شڪارپور ۾ ٽريفڪ پوليس جي فينسي نمبر پليٽ، بليڪ شيشا ۽ بلو لائيٽ خلاف مهم

ٽريفڪ پوليس شھر جي مختلف هنڌن تي ڪارروائين دوران ڪيتريون ئي گاڏيون چالان ڪري ڇڏيون

شڪارپور ( احسان ابڙو )آء جي سنڌ طرفان گاڏين کي لڳل فينسي نمبر پليٽ، بليڪ شيشا ۽ بلو لائيٽ جي خلاف مھم جي سلسلي ۾ ٽريفڪ سارجٽ شڪارپور منظور احمد کوکر ۽ وڏو منشي نعمان ڪاڪيپوٽو پاران حڪمن جي تعميل ڪندي شڪارپور ۾ ڪريڪ ڊائون شروع ڪري ڇڏيو ،شھر جي مختلف چوراھن تي عملي جي ٽيم ساڻ ڪري نڪري پيا لاتعداد گاڏيون چالان ڪندي ڪاروائيون تيز ڪري ڇڏيون ميڊيا سان ڳالھائيندي ٽريفڪ سارجٽ منظور احمد کوکر چيو ته آء جي سنڌ طرفان ھلندڙ ڪيمپين جي سلسلي تحت شڪارپور ۾ بہ گاڏين کي ڪارن شيشن، بلو لائيٽن ۽ فينسي نمبر پليٽن جي خلاف ڪريڪ ڊائون شروع ڪيو ويو آھي روزاني جي بنياد تي ڪاروايون ڪري رھيا آھيون ڪافي گاڏيون چالان ڪري چڪا آھيون ھن وڌيڪ چيو ته شھر ۾ ٽريفڪ جي نظام ۾ بھتري آندي وئي آھي