سنڌ اسان جي آھي ملڪ اسان جو آھي ۽ اسان ٺاھيو آهي، پيپلزپارٽي سنڌ کي ويران حويلي بڻائڻ چاهي ٿي: اياز لطيف پليجو

قومي عوامي تحريڪ پاران 27 آئيني ترميم، وسيلن جي ڦرلٽ، ڪارپوريٽ فارمنگ، درياھ تي ڌاڙي ڪرپشن، ميرٽ جي لتاڙ خلاف 22 نومبر تي ننگرپارڪر ۾ پيادل مارچ ۽ جلسي جو اعلان

حيدرآباد: قومي عوامي تحريڪ پاران 27 آئيني ترميم، وسيلن جي ڦرلٽ، ڪارپوريٽ فارمنگ، درياھ تي ڌاڙي ڪرپشن، ميرٽ جي لتاڙ خلاف جدوجهد تيز ڪندي 22 نومبر تي ننگر پارڪر ۾ قومي عوامي تحريڪ جي سربراھ اياز لطيف پليجو جي اڳواڻي ۾ ھزارين ماڻهن پيادل مارچ ۽ جلسي عام ڪيو ويندو. اياز لطيف پليجي چيو تہ سنڌ اسان جي آھي ملڪ اسان جو آھي ۽ اسان ٺاھيو پيپلزپارٽي سنڌ کي ويران حويلي بڻائڻ چاهي ٿي. جسم مٿان ڳچي ھوندي آھي جنھن ۾ ساھ ھوندو آھي سنڌي پنهنجي ڳچي ڪئين لاھڻ ڏيندا؟ جنهن ۾ ساھ آهي اٿن مري لاش ٿي ويندا جيستائين ھڪ سنڌي زندھ آھي سنڌ اندر ٻيو صوبو ٺاهڻ نہ ڏيندا. ڪراچي کي صوبو ٺاهڻ جو ماحول پيپلز پارٽي ڏنو آهي، سنڌ جي تباھي ۾ پيپلزپارٽي جو اھم ڪردار آهي. اياز لطيف پليجي چيو تہ پيپلزپارٽي جي ايجنڊا تي صرف اقتدار ۽ ڪرپشن آھي. سنڌي ماڻھو پنھنجي ڌرتي درياھ، زمينن ۽ وسيلن کي بچائڻ لاءِ رت آخري ڦڙي تائين وڙھندا ھي نسلن جي جنگ آھي. پيپلز پارٽي ٻھروپي آھي. پيپلز پارٽي اقتدار عيوض ڌرتيءَ، درياھ، زمينون، ٻيٽ، جبل، ڍنڍون ڍنڍورو ۽ وسيلا وڪڻي ڇڏيا آھن. پيپلز پارٽي آدمشماري ۽ ڪئنالن جي معاملي تي بہ سنڌي ماڻهن سان فراڊ ڪيو.اسان ڪو فتح ڪيل علائقو ناھيون جو سدائين اوھان جا غلام بڻجي جيئون، سنڌين ھاڻ تابعداري جون زنجيرون ٽوڙي ڇڏيون آھن. اياز لطيف پليجي چيو تہ سنڌ کي ڪرپشن، ڌاڙيل ڪلچر، ميرٽ جي لتاڙ، بيروزگاري سنڌ کي تباھ ڪري ڇڏيو آهي سنڌ جا خوشحال ماڻهو عذاب واري زندگي گذارڻ تي مجبور آهن. اياز لطيف پليجي چيو تہ ھن وقت سڀ کان وڌيڪ سنڌ مصيبتن ۽ مسئلن جي گھيري ۾ آھي، سنڌ جا ماڻھو بکيا ڪونہ آھن، سڀ وسيلا سنڌ ۾ 72 سيڪڙو گيس، 59 سيڪڙو پيٽرول، وڏي بندرگاھ، ڪارونجهر جپسم، گرينائيٽ سنڌ وٽ، ڪوسٽل بيلٽ سنڌ وٽ، دنيا جو ڇھون نمبر وڏي ۾ وڏو ڪوئلي جو ذخيرو سنڌ وٽ آھي، انھن سڀني وسيلن جي ھوندي انڊر اٽيڪ سنڌ آھي.ھن دور ۾ سنڌ مسئلن ۾ گھيريل آھي. اياز لطيف پليجي چيو تہ سنڌ کي ھٿ وٺي غربت ۽ بدحالي جي کڏ ۾ اڇلايو ويو آھي. زرعي تباھي جي ڪري سڀ کان وڌيڪ غربت ۽ بيروزگاري جنم ورتو آھي. پيپلز پارٽي، سنڌ حڪومت ۽ وفاقي حڪومت سنڌ جي عوام کان مڪمل لاتعلق آھن. ڪرپٽ حڪمرانن جي ايجنڊا صرف پئسي جي ڦرلٽ آھي. جنھنڪري سنڌ ۾ سرڪاري اسپتالون موت جو گھر آھن. اسڪولن ۽ ڪاليجن جي حالت رحم جوڳي آھي. اياز لطيف پليجي چيو تہ پيپلز پارٽي اقتدار جي حوس خاطر سنڌ دشمن فيصلا ڪري رھي آھي، سنڌ سرڪار جي سنڌ دشمن فيصلن جي ڪري سنڌ گھڻ رخي مسئلن ۾ جڪڙيل آھي.ايازلطيف پليجي چيو تہ سنڌ حڪومت جا سمورا کاتا عوام آزار بنجي ويا آھن پيپلز پارٽي حڪومت سنڌ ۾ تعليم، صحت، روزگار، زراعت، صنعت، آئي ٽي ٽيڪنالاجي، خوشحالي ڏيڻ بدران سنڌ جي ماڻھن کي پينو فقيرن جو لشڪر بنائڻ چاھي ٿي تہ جنهن سنڌي ماڻھن ۾ پنھنجن بنيادي حقن لاءِ سياسي مزاحمت پيدا نہ ٿئي، جرئت نہ ٿئي.