شڪارپور ۾ مگسي سوشل اتحاد سنڌ جي چيئرمين بھادر خان مگسي پاران تقريب منعقد

وقت جي ضرورت آھي ته برادري کي ھڪ پليٽ فارم تي گڏ ڪجي: بھادر خان مگسي

شڪارپور ( احسان ابڙو ) مگسي سوشل اتحاد سنڌ جي چيئرمين مير بھادر خان مگسي پاران مگسي ھائوس شڪارپور ۾ مگسي سوشل اتحاد ضلعي شڪارپور پاران ڪوٺايل تقريب ۾ شرڪت ڪئي وئي جتي اتحاد جو ڪيڪ پڻ ڪاٽيو ويو تقريب ۾ مير حسيب خان مگسي پاران مگسي سوشل اتحاد شڪارپور جي ڪارڪردگي رپورٽ پيش ڪئي وئي ۽ برادري کي پيش ايندڙ مسئلن معاملن کان آگاھي پڻ ڏني وئي تقريب کي خطاب ڪندي مير بھادر خان مگسي چيو ته وقت جي ضرورت آھي ته برادري کي ھڪ پليٽ فارم تي گڏ ڪجي ھن وڌيڪ چيو ته مگسي قبيلو پر امن قبيلو آھي جيڪو پاڙيسرين سان ڀائيچارو قائم رکڻ تي يقين رکي ٿو تقريب کي وڌيڪ خطاب ڪندي چيو ته پنھنجن ٻارڙن کي تعليم ڏياريو پاڙيسرين سان بھتر سلوڪ قائم ڪيو ۽ برادري جي فلاح بھبود لاء ڪم کي وڌ ۾ وڌ ترجيح ڏنو وڃي انھي موقعي تي معزز مھمانن کي سنڌ جي ثقافت ٽوپي ۽ اجرڪ جا تحفا پيش ڪيا ويا