ملير: شرافي ڳوٺ ۾ ڌاڙو، مزاحمت تي فائرنگ ۾ شهري مارجي ويو

هٿياربندن مزاحمت ڪرڻ تي فائرنگ ڪري گهر ڌڻي شاهد ڪريم کي قتل ڪري ڇڏيو

ملير (رپورٽ: عبدالرشيد مورجھريو) لانڍي شرافی ڳوٺ ۾ ڦر جي ڪوشش دوران فائرنگ جي نتيجي ۾ شاهد ڪريم نالي شهري مارجي ويو۔ پوليس موجب مقتول جو لاش جناح اسپتال منتقل ڪيو ويو ۔ وارثن جو چوڻ آهي ته شاهد ڪريم ميڊيسن ڪمپني ۾ ملازم ۽ ٽن نياڻين جو پيءُ هو، جيڪو گهر جو واحد ڪفيل هو۔ اڄ اتفاقي طور موڪل تي هو گھر ۾ موجود هو، جڏهن ٽي ڦورو گهر ۾ داخل ٿيڻ لڳا ته شاهد ڪريم انهن کي روڪڻ جي ڪوشش ڪئي۔ مزاحمت دوران ڦورن فائرنگ ڪئي جنهن جي نتيجي ۾ هو سخت زخمي ٿي پيو ۽ اسپتال پهچڻ کان اڳ ئي زخمَن جي سٽ نه سهندي فوت ٿي ويو۔ پوليس واقعي واري جاءِ تان شاهديون گڏ ڪيون ۽ جوابدارن جي ڳولا شروع ڪري ڏني آهي۔ علائقي واسين واقعي تي شديد ڏک ۽ ڪاوڙ جو اظهار ڪندي مطالبو ڪيو آهي ته جوابدارن کي فوري طور گرفتار ڪري قرارِ واقعي سزا ڏني وڃي۔