ملير ۽ ڪونڪر ندين ۾ ٻڏي ويل 8 ڄڻن مان 5 لاش هٿ، 3 جي ڳولا جاري

ملير (رپورٽ: عبدالرشيد مورجھريو) ضلع ملير ۾ برساتن کان پوءِ پيدا ٿيل سيلابي صورتحال ۾ ڪونڪر ۽ ملير نديءَ ۾ 8 ڄڻا لڙهي ٻڏي ويا هئا جن مان 5 جا لاش هٿ اچي ويا آهن، جڏهن ته 3 ڄڻن جي ڳولا جاري آهي ضلعي انتظاميا موجب ڪونڪر نديءَ مان نيوي جي ٽوٻن پاران اقبال لاسي جو لاش هٿ ڪيو ويو آهي جڏهن ته ساڳئي علائقي ۾ ٻڏي ويل افضل جوکيو ۽ 7 سالن جو معصوم ڪيلاش اڃا تائين لاپتا آهن۔ ان کان علاوه ملير ندي ۾ ٻڏي ويل شهري فرحان ترين جو لاش به 4 ڏينهن گذرڻ باوجود هٿ نه اچي سگهيو آهي۔انتظاميا جو چوڻ آهي ته نيوي، 1122 ۽ ٻين ريسڪيو ٽيمون مقامي ٽوٻن سان گڏجي ڳولا جاري رکن پيون۔ هر صبح کان ئي ٽيمون ندين ۾ لهندي آهي پر تيز وهڪري سبب ڏکيائيون پيش اچي رهيون آهن برساتن کان پوءِ ڪونڪر نديءَ ۾ هڪ ئي خاندان جا 4 ڀاتي به وهڪري ۾ لڙهي ويا هئا، جن مان هڪ جو لاش هٿ ڪيو ويو آهي، جڏهن ته باقي جي ڳولا اڃا تائين جاري آهي ضلعي انتظاميا ۽ ريسڪيو ادارن عوام کان اپيل ڪئي آهي ته برساتي ندين ۽ وهڪرن جي ويجهو وڃڻ کان پاسو ڪن ته جيئن اهڙا حادثا ٻيهر نه ورجائجن