نوشهروفيروز ۾ ڀٽ برادري جي عورتن جو معصوم ٻارڙن سميت ناري جي اغوا خلاف احتجاج

پٽ رضا محمد عرف عدنان ناري شهزادي ٻٻر سان عدالت ۾ پرڻو ڪيو هو، ننهن کي سندس وارث اغوا ڪري ويا آَهن: زبيده ڀٽ

نوشهروفيروز(ڊ ر)نوشهروفيروز باء پاس جي رهواسي ڀٽ برادري جي عورتن معصوم ٻارڙا ساڻ ڪري پريس ڪلب پهچي ٻٻر برادري جي بااثر ماڻهن جي ظلمن خلاف احتجاجي مظاهرو ڪيو ان موقعي تي عورت زبيده ڀٽ ميڊيا اڳيان دانهيندي چيو ته منهنجي پٽ رضا محمد عرف عدنان ڀٽ شهزادي ٻٻر سان نوابشاهه جسٽس آف پيس جي عدالت ۾ مهينو اڳ پسند جي شادي ڪئي هئي ٻن ڏينهن کان پوءِ ٻٻر برادري جا هٿياربند ماڻهو رات جي وقت گهر ۾ گهڙي اسان کي يرغمال ڪري ڦر لٽ ڪري ناري شهزادي کي اغوا ڪري ويا آهن هن چيو ته جوابدار هدايت الله ٻٻر، امان اللہ، عزيز، نعيم ، علي رضا، ربنواز عرف ڀٽو ۽ دلبر ٻٻر وارن گهر تي حملو ڪيو پر پوليس ڪيس نه ٿي وٺي ويتر پوليس منهنجي پٽ ۽ ڀاءُ بشير ڀٽ تي ڪوڙو ڪيس داخل ڪري ڇڏيو آهي جيڪو ظلم آهي هن مطالبو ڪيو ته جوابدارن خلاف قدم کڻي نهن شهزادي کي بازياب ڪرائي اسان تي داخل ڪوڙا ڪيس ختم ڪيا وڃن