سنڌ جي مسئلن تي ڏيھ توڙي پرڏيھ ۾ ويٺل باشعور سنڌين کي آواز اٿارڻ کپي: فيصل صديقي

انساني حقن جي ڀڃڪڙين تي وزيرن ۽ ڪامورن کي پنھنجي ڳڻتي کان آگاهه ڪرڻ گھرجي: تقريب کي خطاب

نوشھروفيروز (ڊ ر) سنڌ جي مسئلن تي ڏيھ توڙي پرڏيھ ۾ ويٺل باشعور سنڌين کي آواز اٿارڻ کپي ۽ انساني حقن جي خلاف ورزين تي وزيرن ۽ ڪامورن کي پنھنجي ڳڻتي کان آگاہ ڪرڻ گھرجي. اھڙن خيالن جو اظهار ملٽن ۾ فيصل صديقي پاران ڏنل مانجھاندي ۾ مقررين ڳالھائيندي ڪيو. تقريب ۾ انساني حقن ۽ ميڊيا لائير لاحسن پٺاڻ، جواد مڱريو خصوصي طور شرڪت ڪئي. جڏھن تہ ڪيناڊا ۾ رھائش پذير ڄام منير، رضوان عيساڻي، راج بنساري، جواد ميمڻ، رياض ميمڻ، رياض عمر ميمڻ، فارس مڱريو، حبيب ميمڻ، شيراز ميمڻ، اعجاز ڪولاچي ۽ ٻين شرڪت ڪئي ڄام منير ۽ فيصل صديقي آيل مھمانن جي آجيان ڪئي جڏھن تہ جواد مڱريو ۽ لالاحسن پٺاڻ آجياڻو رکڻ تي دوستن جا ٿورو مڃيا شرڪاء جو وڌيڪ چوڻ ھو تہ نوجوانن کي گھرجي تہ ھو تعليم تي وڌيڪ توجھ ڏين ۽ اسڪالرشپ وٺي پرڏيھ ۾ وڌيڪ ڪارائتي تعليم حاصل ڪري سنڌ سميت پاڪستان جي خدمت ڪري سگھن. تقريب ۾ جواد مڱريو ۽ لالا حسن پٺاڻ کي سنڌ جي ثقافت جون سوکڙيون پڻ ڏنيون ويون.