لکي غلام شاهہ ڀرسان شاخ مان نوجوان جو شاخ مان گولي لڳل لاش هٿ

لاش 20کان 25 ڏينهن پراڻو آهي، کيس گولي به لڳل آهي، نادرا ذريعي سندس سڃاڻپ ڪرائي ويندي: پوليس

شڪارپور (احسان ابڙو) شڪارپور جي لکي غلام شاهہ رستم ڀرسان پاڻيء جي شاخ مان مرد جو لاش هٿ ،ڳوٺ چيمن سکپور جي پل وٽ ڳوٺاڻن لاش ڏسي پوليس کي اطلاع ڏنو ،پوليس پهچي ڳوٺاڻي جو لاش کڻائي خانپور اسپتال منتقل ڪيو سڃاڻپ نه ٿي سگهي ، شروعاتي پوسٽ مارٽم جي رپورٽ ۾ نوجوان کي گولي لڳل آهي جنهن سبب موت واقع ٿيو آهي ڊاڪٽر لاش کي شڪارپور اسپتال منتقل ڪيو آهي جتي نادرا جي ڊوائز ذريعي شناخت ڪئي ويندي پوليس تفصيل موجب : رستم ڀرسان نوجوان جو لاش پاڻيء جي شاخ مان هٿ ،رستم ٿاڻي جي حد ڪچي واري علائقي جي ڳوٺ چيمن سکپور ٻاهران چيمن جي پل ۾ لاش ڦاٿل ڏسي ڳوٺاڻن پوليس کي اطلاع ڏنو جنهن بعد رستم پوليس پهچي نوجوان جو لاش ڪڍرائي خانپور اسپتال منتقل ڪيو ،جتي نوجوان جي لاش جو پوسٽ مارٽم ڪيو ويو شروعاتي پوسٽ مارٽم جي رپورٽ ۾ ڊاڪٽرن ظاهر ڪيو آهي ته نوجوان جو لاش 20 کان 25 ڏينهن پراڻو آهي ء گولي لڳل آهي ،جنهن سبب نوجوان جو موت واقع ٿيو آهي،پوليس نوجوان جي لاش کي سول اسپتال شڪارپور منتقل ڪيو آهي جتي نوجوان جي لاش جي سڃاڻپ نادرا جي ڊوائز ذريعي ڪئي ويندي ،