نور رليف فنڊ ۽ باب العلم فائونڊيشن جي تعاون سان بيٽري، پليٽ، پکو ۽ 2 لائيٽون ڏنيون ويون
نوشهروفيروز(ڊر) نور رليف فنڊ ۽ باب العلم فائونڊيشن جي تعاون سان سولر انرجي پراجيڪٽ تحت ضلعي جي 100 مستحق غريب خاندانن ۾ سولر هوم سسٽم ورهائڻ واري هڪ تقريب منعقد ڪئي وئي، جنهن ۾ 240 والٽ واري پليٽ، 115 واري بيٽري هڪ عدد پکو ۽ ٻه عدد لائٽون شامل هيون۔ ان موقعي تي سماجي اڳواڻ سيد ثمر عباس نقوي۔اعجاز ممنائي۔ ماهه نور شيخ عرفان علي چنه ۽ ٻين چيو ته اسانجو ويزن غريب ۽ بي پهچ ماڻهن کي گرميء جي شدت ۾ سولر سسٽم جي سهولت فراهم ڪرڻ آهي. ان سلسلي ۾ پهرين مرحلي ۾ 100 مستحق ۽ مسڪين خاندانن ۾ سولر هوم سسٽم ورهايا پيا وڃن، جنهن سان 18 ڪلاڪن جي لوڊشيڊنگ دوران ماڻهن کي وڏو فائدو ٿيندو.اڳواڻن چيو ته اسان ٻهراڙين ۾ غريب ۽ مستحق ماڻهن کي سولر سسٽم فراهم ڪرڻ لاءِ قدم کڻي رهيا آهيون جيڪي اڳتي به جاري رهندا۔
0 تبصرے