ڪنري ڀرسان مبينا خودڪشي جا ٻه الڳ الڳ واقعا، ناري فوت، نوجوان اسپتال داخل

ڍڊرو جي راما پير ڪالوني ۾ 18 ورهين جي هريان ڪولهي جو گهر مان ڦاهو لڳل لاش هٿ

عمرڪوٽ (ڊ ر) ڪنري ڀرسان مبينا خودڪشي جا ٻه الڳ الڳ واقعا، ناري فوت، نوجوان اسپتال داخل. خبر موجب ڪنري لڳ مبينا خودڪشي جي ٻن ڌار ڌار واقعن ۾ ناري فوت ۽ نوجوان کي اسپتال داخل ڪيو ويو، ڍڊرو جي راما پير ڪالوني ۾ 18 سالن جي ناري هريان ڌيءَ پونجو ڪولهي جو ٽنگيل حالت ۾ لاش مليو، اطلاع تي ڪنري پوليس پھچي لاش تحويل ۾ وٺي تعلقي اسپتال منتقل ڪيو، جتي ناري جي ڀائرن ٻڌايو ته اسان ٻنيءَ تي ويل هئاسين ڀيڻ گهر ۾ هئي ۽ ڪجھ دير بعد لاش ملڻ جو اطلاع مليو لڳي ٿو ڀيڻ آپگھات ڪيو آھي، ڪنري پوليس جو چوڻ آھي ته ناري جا والدين نوابشاھ ۾ ڦٽي جي چونڊ تي ويل آھن، ناري ڀائرن وٽ رھندي هئي، مڙھ جو پوسٽمارٽم ڪرايو آھي ابتدائي طور واقعو خودڪشي لڳي پيو وڌيڪ جانچ ڪريون پيا. هوڏانھن بودرفارم ۾ 18 ورھين جي نوجوان دليپ ولد ويرسي ميگهواڙ گهرو پريشاني سبب گهر اندر مبينا ڦاهو کائي خودڪشي جي ڪوشش ڪئي، وارثن کيس بچائي تعلقه اسپتال ڪنري پھچايو جتي سندس علاج ھلندڙ آھي.