سنڌي ادبي سنگت شاخ ملير جي ھفتيوار دستوري گڏجاڻي شاخ جي ميمبر سريلي راڳي عبدالخالق ڀٽيءَ جي صدارت ۾ ٿي

ملير شاخ ڪراچيءَ جي سڀني شاخن کان اڳڀري آھي: اصغر مهراڻي ۽ ٻيا

ملير (رپورٽ: عبدالرشيد مورجھريو)سنڌي ادبي سنگت شاخ ملير جي ھفتيوار دستوري گڏجاڻي شاخ جي ميمبر سريلي راڳي عبدالخالق ڀٽيءَ جي صدارت ۾ عوامي پريس ڪلب ملير ۾ ٿي ،گڏجاڻي جي ڪاروائي سيڪريٽري اصغر مھرائ ي ھلائيندي چيو تہ سنگت شاخ ملير جي اٺن مھينن جي ڪار گردگي رپورٽ جاندار ۽ شاندار تيار ڪئي وئي آھي جيڪا ڪراچي جي رابطا سيڪريٽري محترم راشد لکمير جي حوالي ڪئي وئي آھي، ھن چيو ته شاخ ملير ڪراچيءَ جي سڀني شاخن کان اڳڀري آھي جنھن ماضيءَ جيان ھن اٺن مھينن ۾ بہ شاندار سرگرميون ڪري پاڻ مڃرايو آھي ۽ آئينده به ادب جي واڌ ويجهه لاءِ پنھجو ڪردار ادا ڪندي رھندي، گڏجاڻيءَ ۾ سنگت جي دوستن پنھنجون نڪور تخليقون تنقيد لاءِ پيش ڪيون جنھن تي صدارتي راءِ ڏيندي عبدالخالق ڀٽي چيو ته شاعري عوام ۾ سجاڳي پيدا ڪرڻ جو اھم ذريعو آھي سنگت شاخ جا شاعر تمام سٺو لکي رھيا آھن ھن چيو تہ سنگت ملير پنھنجي ڪارڪردگي جي ڪري پاڻ مڃايو آھي ۽ اڳتي به اسان پنھجون خدمتون سرانجام ڏيندا رهنداسين، آخر ۾ ڪاروباري ڪميٽي جو اجلاس مجيب سنڌيءَ جي صدارت ۾ ٿيو، گڏجاڻيءَ ۾ سڪندر سرواڻ سومرو قمبر ٻٽ ، سيد عنايت شاھ ، سيد برڪت شاھ عبدالخالق ڀٽي ۽ امداد لاشاري شرڪت ڪئي.