شڪارپور ۾ نيشنل گيمز لاءِ لاڙڪاڻو ڊويزن جا ويٽ لفٽنگ ٽرائلز منعقد

شڪارپور ( احسان ابڙو ) لاڙڪاڻو ڊويزن ,ويٽ لفٽنگ ٽرائلز 2025 شڪارپور ۾ شاندار نموني منعقد ٿيا, شڪارپور ۾ 35هين نيشنل گيمز 2025 لاءِ لاڙڪاڻو ڊويزن جا ويٽ لفٽنگ ٽرائلز شهيد شيراز ويٽ لفٽنگ جم ڪلب شڪارپور* ۾ شاندار نموني منعقد ٿيا۔ ٽرائلز جي نگراني ۽ مهمانِ خاص طور سنڌ ويٽ لفٽنگ ايسوسيئيشن جي صوبائي صدر محترم نفيس احمد ۽ خزانچي راشد احمد شرڪت ڪئي۔ ڪراچي مان آيل معزز مهمانن کي سنڌي ثقافت موجب استاد عبدالوهـاب ڪاغذي پاران اجرڪ ۽ گلن جا هار پارائي ڀليڪار ڪيو ويو، جنهن بعد ربن ڪاٽڻ جي رسم سان ٽرائلز جو باقاعدي افتتاح ڪيو ويو۔ ان موقعي تي ڊويزنل سيڪريٽري ويٽ لفٽنگ ايسوسيئيشن استاد عبدالوهـاب ڪاغذي سميت ڪيترائي رانديگر ۽ شھر جا معززين موجود هئا ٽرائلز ۾ ڊويزن جي مختلف شهرن مان 20 کان وڌيڪ ويٽ لفٽرز شرڪت ڪئي، ۽ شاندار مقابلا ٿيا۔ سخت مقابلي کان پوءِ شڪارپور جا هيٺيان 6 رانديگر چونڊيا ويا: پهرين ڪلاس، فيصل علي ڀٽو ٻي ڪلاس، مبين علي زين هڪڙو ٽين ڪلاس، شاهجهان علي ڀٽو چوٿين ڪلاس، وقار قادر ڀٽو پنجين ڪلاس، شير علي هڪڙو ڇهين ڪلاس، اسرار علي سومرو، هي چونڊيل رانديگر 35هين نيشنل گيمز لاءِ ٿيندڙ سنڌ ليول ٽرائلز ۾ شرڪت لاءِ 17 آڪٽوبر تي ڪراچي روانا ٿيندا شڪارپور جي نوجوانن جي شاندار ڪارڪردگي تي استاد عبدالوهـاب ڪاغذي چيو ته شڪارپور جي محنتي رانديگرن ثابت ڪيو آهي ته اسان جو شهر صلاحيت، جذبي ۽ عزم سان ڀرپور آهي۔ يقين آهي ته اهي نوجوان سنڌ ۽ لاڙڪاڻو ڊويزن جو نالو فخر سان روشن ڪندا