ڪراچي ۾ قتل ٿيل ڳوٺ سعد خان لاکو واسي نوجوان جي وارثن جو نوشهروفيروز ۾ احتجاج

آريان مستوئي روزگار سانگي ڪراچي ويو هو، کيس ڏيڍ مهينو اڳ قتل ڪيو ويو: وارث

نوشهروفيروز (ڊ ر) ڏيڍ مهينو اڳ ڪراچي جي گزري ٿاڻي جي حد ۾ ھٿياربندن هٿان قتل ٿيل ڳوٺ سعد خان لاکو جي رهواسي 18 سالا نوجوان آريان علي مستوئي جي قاتلن جي گرفتاري لاءِ سندس وارثن پاران احتجاجي مظاهرو ڪيو ويو جنهن جي اڳواڻي نينگر جي امڙ مھتاب، گهرواري سائرہ، مامو نثار احمد مستوئي، ماسي آفتاب خاتون ۽ ٻين ڪئي ان موقعي تي دانهيندي مقتول نوجوان جي امڙ مھتاب مستوئي ۽ ٻين چيو آهي ته اسان جو نوجوان جنهن عمر 18 سال مس ٿي هئي جيڪو انٽر پاس ڪري پسند شادي کان پوءِ بيروزگار هجڻ ڪري ڪراچي ۾ پيٽ گذر ڪرڻ لاءِ سيڪيورٽي گارڊ جي نوڪري ڪري رهيو هيو ته هٿيار بندن کيس 17 آگسٽ جي ڏينهن فائرنگ ڪري قتل ڪري ڇڏيو آهي هنن چيو ته ڏيڍ مهينو گذرڻ جي باوجود به گذري ٿاڻي جي پوليس اسان جي نوجوان آريان علي مستوئي جا قاتل گرفتار نه ڪري سگهي آهي ڇو ته جوابدار پ پ ايم پي اي امتياز شيخ جا ماڻهو آهن جن مان سندس ويگو هلائيندڙ ڊرائيور کي پوليس گرفتار ڪيو آهي پر بااثر هجڻ ڪري پوليس امتياز شيخ کي گرفتار نه پئي ڪري جيڪو جوابدارن جو سهولت ڪار بڻيل آهي هنن چيف جسٽس سنڌ هاءِ ڪورٽ، آء جي سنڌ سميت ٻين وس وارن کي اپيل ڪئي ته نوجوان آريان مستوئي جي سڀني قاتلن کي گرفتار ڪري سزا ڏئي سندس خون سان انصاف ڪيو وڃي