شڪارپور ۾ ٻارڙي سان زيادتي ۽ وڌندڙ بدامني بابت ھيومن رائيٽس ڊفينڊرس نيٽ ورڪ جو اجلاس

اجلاس انساني حقن جي اڳواڻ اقبال ڏيٿو جي صدارت ھيٺ ٿيو، نسيم بخاري، آصف شيخ، عديل علوي ۽ ٻيا شريڪ

شڪارپور (احسان ابڙو) شڪارپور ۾ اسڪول حملي، مدرسي م ٻارڙي سان زيادتي ۽ وڌي ويل بدامني بابت ھيومن رائيٽس ڊفينڊرس نيٽ ورڪ جو ھنگامي اجلاس ٿي گذريو ھيومن رائيٽس ڊفينڊرس نيٽ ورڪ ڊسٽرڪٽ شڪارپور جي گڏجاڻي انساني حقن جي نالي واري اڳواڻ اقبال ڏيٿو جي صدارت ھيٺ مقامي ھوٽل ۾ ٿي گذري جنھن ۾ ٻورڙي اسڪول حملي ڪيس داخل نه ٿيڻ ۽ لاڳاپيل اختيارين پاران ڪنھن بہ نوٽيس نه وٺڻ تي حيرت ۽ تعجب جو اظھار ڪندي وڌيڪ فيڪٽ فائنڊنگ ڪرڻ جو فيصلو ڪيو ويو گڏجاڻي ۾ ٺاروپور پاڙي ۾ مدرسي اندر معصوم ٻارڙي سان جنسي زيادتي جي فيڪٽ فائنڊنگ رپورٽ پيش وئي وئي گڏجاڻي ۾ ان کان علاوه بيدل لائبريري مان شاگرد جي چوري ٿيل موٽرسائيڪل تي افسوس جو اظهار ڪندي فيصلو ڪيو ويو ته HRDN جي طرفان لائبريري جي سيڪيورٽي فراھم ڪرڻ جي حوالي سان ايس ايس پي شڪارپور سان رابطو ڪيو ويندو ان کان علاوه جلد ئي ڊسٽرڪٽ جيل جو دورو ڪري قيدين جي بنيادي مسئلن کي حل ڪرڻ جي ڪوشش ڪئي ويندي گڏجاڻي کي خطاب ڪندي نالي واري انساني حقن اڳواڻ اقبال ڏيٿو چيو ته مونکي شڪارپوري ھجڻ تي فخر آهي ۽ شڪارپور جي خدمت ڪرڻ جي لاء مونکي ڪنھن بہ سرڪاري عھدي جي ضرورت ناھي مان پنھنجي وس ۽ وت آھر اڳ ۾ به شھرين جي بنيادي حقن لاء متحرڪ رھيو آھيان ۽ ھاڻي به متحرڪ رھندس ان موقعي تي ھيومن رائيٽس ڊفينڊرس نيٽ ورڪ جي ڪوآرڊينيٽر ۽ ھيومن رائيٽس ڪميٽي جي فوڪل پرسن پرويز ابڙو, خطاب ڪندي چيو شڪارپور اندر انساني حقن جي سرعام لتاڙ ٿي رھي آھي اسان شڪارپور ۾ انساني حقن جي حوالي سان پنھنجو ڀرپور ڪردار ادا ڪندا رهنداسين ان موقعي تي HRDN جي ميمبرن نسيم بخاري، آصف شيخ، عديل علوي، ذوھيب شيخ ، نوجباري،رحيم بخش ابڙو ،بشير چوھاڻ ۽ ٻين پڻ خطاب ڪيو