ڪراچي واسڻ ناري ۽ باڊهه واسي نوجوان پرڻو ڪري ڇڏيو

مرضي سان شادي ڪئي آهي، مائٽ اغوا جا ڪوڙا ڪيس داخل ڪري رهيا آهن: ناري

ڪراچي (رپورٽر) باڊھ جي رهواسي نوجوان عباس علي بروهي ڪراچي جي کوئي ڳوٺ جي رهواسڻ ناري رابعه ڌي واحد بخش کوسو سان ڪراچي جي ڪورٽ ۾ پسند جو پرڻو ڪيو آهي. پسند جو پرڻو ڪندڙ ناري رابعه کوسو ميڊيا اڳيان دانهيندي چيو تہ سندس مائٽ پسند جي شادي تان جان جا ويري بڻجي ويا آهن ڀاءُ اياز کوسو چاچو خان محمد کوسو، جان محمد، رفيق کوسو، ۽ ٻيا مائٽ ٻي هنڌ پئسن عيوض وڪرو ڪرڻ پيا چاهن پنهنجي راز خوشي سان گهران نڪري پنهنجو جيون ساٿي چونڊيو آهي ۽ شريعت موجب ڪورٽ ۾ نڪاح ڪيو آهي پنهنجي مرضي سان زندگي گذارڻ چاهيان ٿي. پر مائٽ جيئڻ نہ پيا ڏين منهنجي مڙس عباس علي جي ڀائرن ۽ پي تي منهنجا مائٽ اغوا جا ڪوڙا ڪيس ڪري مارڻ جون ڌمڪيون ڏيئي رهيا آهن. پريمي جوڙي اعلي' اختيارين کان مطالبو ڪيو ته کين تحفظ فراهم ڪيو وڃي.