ملير ۾ سينيئر استاد اڪبر بلوچ جي رٽائرڊ ٿيڻ تي سندس مان ۾ الوداعي تقريب منعقد

گورنمينٽ بوائز هائير سيڪنڊري اسڪول ڪمال خان جوکيو ۾ تقريب منعقد

ملير (رپورٽ: عبدالرشيد مورجھريو) گورنمينٽ بوائز هائير سيڪنڊري اسڪول ڪمال خان جوکيو ڪاٺوڙ گڏاپ ۾ سينئر استاد اڪبر بلوچ جي رٽائرمنٽ جي موقعي تي اسڪول جي پرنسپال ۽ استادن طرفان شاندار الوداعي تقريب منعقد ڪئي وئي تقريب دوران پرنسپال پاران اڪبر بلوچ کي اسڪول لاءِ 40 ورهين تائين بهترين خدمتون سرانجام ڏيڻ تي مڃتا طور شيلڊ پيش ڪئي وئي، جڏهن ته شاگردن سر اڪبر بلوچ تي گل نڇاور ڪري سندس ڀليڪار ڪئي استادن ۽ نان ٽچنگ اسٽاف طرفان سر اڪبر بلوچ کي اجرڪن جا تحفا پڻ پيش ڪيا ويا۔ ان موقعي تي استادن خيالن جو اظهار ڪندي چيو ته اڪبر بلوچ پنهنجي زندگي جا قيمتي 40 سال هن اداري کي ڏنا آهن، هن ايمانداري سان پنهنجو فرض نڀائي هڪ فرض شناس استاد هجڻ جو ثبوت ڏنو استادن جو وڌيڪ چوڻ هو ته اڪبر بلوچ اسڪول ۾ سائنس جي بنياد رکيو ۽ ڪيترن ئي شاگردن کي علمي طور سنواريو، جيڪي اڄ مختلف شعبن ۾ ملڪ جي نالي کي روشن ڪري رهيا آهن پروگرام خوشگوار ماحول ۾ پڄاڻيءَ تي پهتو، جتي سر اڪبر بلوچ کي شاندار انداز ۾ الوداع ڪيو ويو۔