ملير: ڪوھي ڳوٺ ۾ باگڙي برادري تي مبينا حملو، عورتون ۽ ٻار زخمي

بااثرن ڪهاڙين ۽ ڏنڊن سان حملو ڪري شبيها، سندس ڀيڻ ڪنيا، جيوڻي باگڙي ۽ ٻين کي زخمي ڪيو: وارث

ملير (رپورٽ: عبدالرشيد مورجھريو) ڪوھي ڳوٺ لڳ باگڙي پاڙي تي هٿياربندن گذريل رات دير سان حملو ڪري ڏنو جنهن جي نتيجي ۾ عورتن ۽ ٻارن سميت ڪيترائي ماڻهو زخمي ٿي پيا۔ حملي ۾ ٽنگن کان معذور شيهيا باگڙي، سندس ڀيڻ ڪنيا باگڙي، جيوڻي باگڙي ۽ ٻيا شامل آهن، جن کي ڪهاڙين ڏنڊن ۽ ٻين هٿيارن سان شديد زخمي ڪيو ويو علائقي واسين جو چوڻ آهي ته ٻنهي ڌرين ۾ هلندڙ جهيڙو اڳ ئي معززن جي مداخلت سان ختم ڪيو ويو هو پر ان کان پوءِ هٿياربند ٻيهر گڏ ٿي باگڙي برادري تي ڪهاڙين، ڏنڊن ۽ ٻين هٿيارن سان حملو ڪيو زخمين کي اسپتال منتقل ڪرڻ لاءِ ايمبولينس گهرائي ويئي پر رستي ۾ حملي آور ٻيهر روڪڻ جي ڪوشش ڪئي ۽ ايمبولينس کي موٽائي زخمين کي رستي ۾ لاڻو ويو باگڙي پنهنجي علائقي جي سرواڻ علي بخش وٽ پهتا جنهن مداخلت ڪندي ٻيهر ٻن ايمبولينسن ۽ پوليس گهرائي زخمين کي حفاظت سان جناح اسپتال منتقل ڪيو رهواسين جو چوڻ آهي ته باگڙي برادري تي ٿيندڙ حملا هڪ منظم سازش جو حصو آهن، جن ۾ بيگناهه عورتون ۽ ٻار به متاثر ٿي رهيا آهن۔ مقامي ماڻهن مطالبو ڪيو آهي ته واقعي جي شفاف جاچ ڪري ملوث ماڻهن خلاف سخت ڪارروائي ڪئي وڃي ۽ برادري کي تحفظ فراهم ڪيو وڃي