ملير: صحافين پاران گلوبل اسٽيٽ آف ڊيموڪريسي رپورٽ تي ڳڻتي جو اظهار

پي ايف يو جي، ڪي يو جي ڊبليو ۽ انٽرنيشنل آڊيا رپورٽ تي ڳڻتي ظاهر ڪري ڇڏي

ملير (رپورٽ : عبدالرشيد مورجھريو) پاڪستان فيڊرل يونين آف جرنلسٽس (PFUJ) ۽ ڪراچي يونين آف جرنلسٽس ورڪرز (KUJ-W) جمهوريت جي عالمي اداري ۽ چونڊن جي سهڪاري (International IDEA) جي جاري ڪيل “گلوبل اسٽيٽ آف ڊيموڪريسي رپورٽ 2025” تي سخت ڳڻتي جو اظهار ڪيو آهي۔ رپورٽ موجب دنيا جي ٻين ملڪن وانگر پاڪستان ۾ به صحافتي آزادي پنجاهه ورهين ۾ هيٺين سطح تي پهچي وئي آهي يونين جي عهديدارن جو چوڻ هو ته ملڪ ۾ صحافت ڪيترن بحرانن جو شڪار آهي۔ قانونن کي هٿيار بڻائي صحافين کي نشانو بڻايو پيو وڃي۔ حڪومتن جي دٻاءَ سبب اخبارن جي اشاعت جا خرچ وڌي ويا آهن ۽ سرڪاري اشتهارن جي بندش پرنٽ ميڊيا کي سخت متاثر ڪيو آهي، جڏهن ته اليڪٽرانڪ ميڊيا سياسي اثر ۽ ڪارپوريٽ گرفت ۾ جڪڙيل آهي بيان ۾ وڌيڪ چيو ويو ته ميڊيا مالڪ صحافين جو استحصال ڪن ٿا، مهينن تائين تنخواهون روڪي رکن ٿا، روزگار ۾ بيچيني وڌي وئي آهي ۽ اختلاف ڪندڙ صحافين کي بليڪ لسٽ يا برطرف ڪيو وڃي ٿو۔ سخت مهانگائي سبب صحافين لاءِ پنهنجن خاندانن جون بنيادي ضرورتون پوريون ڪرڻ به مشڪل ٿي ويو آهي، جنهن ڪري ڪيترائي صحافي اهو شعبي ڇڏي وڃڻ تي مجبور ٿي ويا آهن پي ايف يو جي ورڪرز جي سيڪريٽري جنرل راجا رياض ۽ ڪي يو جي ورڪرز جي صدر فواد محمود حڪومت کان گهر ڪئي ته صحافت ۽ صحافين کي تحفظ فراهم ڪيو وڃي