ٺٽو پوليس جي ڪارروائي، ٽن ڄڻن کي گٽڪي سميت گرفتار ڪرڻ جي دعويٰ

ٺٽو ( شفيق ڀٽي)ٺٽو پوليس جي ڪامياب ڪاروائي.، وين ذريعي گٽڪو مٽيريل اسمگل ڪرڻ جي ڪوشش ناڪام، 3 جوابدار گرفتار. تفصيل موجب، نينشنل هاءِ وي آري ڪيمپ، گهارو وٽ ايس ايڇ او ٿاڻو گهارو انسپيڪٽر محمد علي ڌامراھ پنهنجي ٽيم سان گڏ خفيه اطلاع تي ڪارروائي ڪئي. ڪارروائي دوران وين نمبر LES-3520 مان وڏي مقدار ۾ گٽڪو مٽيريل هٿ ڪيو ويو. پوليس ٻڌايو ته وين مان 98 ڪلو گٽڪو مٽيريل ۽ 200 پڙيون گٽڪو ماوا برآمد ٿيون. ڪارروائي دوران ٽي جوابدار ــ ڪاوش ولد محمد اختر پٺان، خان ولد يوسف آرائين ۽ مسمات شڪيلا زال اشرف هنگورو کي گرفتار ڪيو ويو. پوليس وين کي تحويل ۾ وٺي جوابدارن خلاف ٿاڻو گهارو تي گٽڪو ايڪٽ تحت مقدمو داخل ڪري ڇڏيو آهي. آءِ جي سنڌ غلام نبي ميمڻ ۽ ڊي آءِ جي حيدرآباد رينج طارق رزاق ڌاريجو جي هدايتن تي ايس ايس پي ٺٽو فاروق احمد بجاراڻي پاران ضلعي ۾ منشيات، ڏوهارين، عادي مجرمن ۽ گٽڪي خلاف ڪريڪ ڊائون کي تيز ڪيو ويو آهي.