اياز لطيف پليجو سان عوامي تحريڪ جي پراڻن ۽ سينيئر ساٿين جي ملاقات، پارٽي ۾ شموليت جو اعلان

قدرالله پليجو، شوڪت پليجو، اعجاز پليجو، يوسف پليجو، سنڌياڻي تحريڪ جي ادي عظيمان پليجو ۽ ماهين پليجو ملاقات ڪئي

حيدرآباد(بيورو)قومي عوامي تحريڪ جي سربراھ اياز لطيف پليجو سان عوامي تحريڪ ضلعي ٺٽي جي پراڻن ۽ سينيئر ساٿين قدرالله پليجو، شوڪت پليجو، اعجاز پليجو، يوسف پليجو، سنڌياڻي تحريڪ جي ادي عظيمان پليجو، ننڍڙي ماهين پليجو ملاقات ڪري قومي عوامي تحريڪ ۾ شامل ٿيڻ جو اعلان ڪيو. ان موقعي تي اياز لطيف پليجو ڳالھائيندي چيو تہ ضلعي ٺٽي م منشيات گٽڪو چرس آئيس شيشو وڌي ويا آهن سجاول ۽ ٺٽي جون ھزارين ايڪڙ زمينون ڌارين کي ڏنيون پيون وڃن توهان لاتعلق بڻيل آهيو ضلعي ٺٽي جي پڙھيل نوجوانن کي نوڪريون نہ آهن، ساحلي پٽيءَ جي زمينن تي قبضا ٿي رھيا آھن . جڏهن تہ سنڌ حڪومت امن امان بحال ڪرڻ ۾ ناڪام ٿي چڪي آهي . ضلعي ٺٽي م ڌارين جي آبادڪاري وڌي وئي آهي پيپلزپارٽي سنڌ جا وسيلا، درياھ ۽ لکين ايڪڙ زمينن جو سودو ڪري چوٿون ڀيرو اقتدار ورتو آهي. اياز لطيف پليجي چيو تہ پيپلزپارٽي سمجهي ٿي تہ اسان وفاق سان سنڌ جو سودو ڪيو آهي تہ سنڌ خاموش رهندي ۽ سر نگون رهندي۔ پيپلزپارٽي کي سمجهڻ کپي سنڌ پنهنجي پاڻي جو هڪ ڦڙو بہ وفاق کي ڏيڻ نہ ڏيندي۔ نواز ليگ ليگ کي مضبوظ ڪرڻ لاء سنڌ پيپلزپارٽي کي لکي ڏئي ڇڏي اٿن، پيپلزپارٽي بي ٽيم وارو ڪرادار ادا پئي ڪري۔ پاڻ سڀ سنڌ واسي وفاق کي سنڱ چٽي ۽ بدي ۾ ڏنل آهيون، زرداري انهن کي پڪ ڏياري آهي تہ سنڌ منهنجي کيسي ۾ پئي آهي، سنڌ جي احتجاجن کي ڪير ٿو پڇي۔ پر زرداري کي اهو اختيار ڪنهن ڏنو آهي، سنڌ جا ماڻهو زرادري کي سنڌ جو پاڻي زمينون ۽ وسيلا ڪون ڏيڻ ڏيندا سنڌ پنهنجي درياھ، زمينن ۽ وسيلن لاءِ وڙھندي. ان موقعي تي قومي عوامي تحريڪ جا مرڪزي اڳواڻ منان شيخ، اشفاق چنڙ ۽ ٻيا پڻ موجود هئا