ملير: پپري جي شاهه نواز ڳوٺ ۾ فائرنگ ۽ جهيڙو، 3 ڄڻا زخمي

ملير (رپورٽ: عبدالرشيد مورجھريو) پپري شاهه نواز ڳوٺ ۾ ٻن ڌرين وچ ۾ پراڻي تڪرار تي ٻيهر جهيڙو ٿي پيو جنهن ۾ شديد فائرنگ ڪئي ويئي جنھن سبب ٽي ڄڻا زخمي ٿي پيا. پوليس موجب اهو واقعو منجهند ڌاري پيش آيو جھڳڙي ۾ اسٽيل ٽائون ٿاڻي ۾ مقرر پوليس ڪانسٽيبل زبير ولد علي اصغر، بن قاسم ٿاڻي جو ڪانسٽيبل غلام مرتضىٰ ۽ ٻي ڌر مان نياز ولد علي شير گولي لڳڻ سبب زخمي ٿيا. واقعي دوران لٺين ۽ ڏنڊن جو آزادانه استعمال ڪري هوائي فائرنگ به ڪئي ويئي.اطلاع ملندي ئي علائقي جي پوليس ۽ رينجرز پهچي صورتحال تي ضابطو آڻي ڇڏيو، جڏهن ته زخمين کي طبي امداد لاءِ جناح اسپتال منتقل ڪيو ويو. پوليس موجب ٻنهي ڌرين جو تعلق ابڙو برادري سان آهي ۽ ان کان اڳ به انهن ۾ جهيڙو ٿي چڪو آهي، جنهن تي ايف آءِ آر داخل آهي. وڌيڪ جاچ جاري آهي