ڏوڪري ۾ معمولي ڳالهه تان جهيڙي دوران نوجوان قتل، وارثن جو لاش رکي ڌرڻو، مخالف ڌر پاران الزام رد

جهيڙي دوران جاويد خاصخيلي مارجي ويو، وارثن جو ٿاڻي آڏو لاش رکي جوابدارن جي گرفتاري لاءِ ڌرڻو

ڏوڪري (رپورٽر) ڏوڪري ۾ خاصخيلي برادري جي ٻن ڌرين وچ ۾ معمولي ڳالھ تان جهيڙو ٿي پيو جهيڙي دوران لٺيون ۽ بيلچا لڳڻ سبب ٽي ڄڻا زخمي، هڪ ڄڻو زخمن جا سور نه سهندي فوت، ٿاڻي اڳيان لاش رکي احتجاج ڏوڪري ڀرسان فارم ڪالوني ۾ خاصخيلي برادري جي ٻن ڌرين عبدالصمد خاصخيلي ۽ جاويد خاصخيلي وچ ۾ معمولي ڳالھ تان جهيڙو ٿي پيو جهيڙي دوران لٺيون ۽ بيلچا لڳڻ سبب جاويد خاصخيلي، عبدالصمد خاصخيلي، ماجد علي خاصخيلي زخمي ٿي پيا آهن جڏهن ته جاويد خاصخيلي زخمن جا سور نه سهندي فوت ٿي ويو، فوتي جو لاش ڏوڪري اسپتال آندو ويو جتي پوسٽ مارٽم بعد لاش وارثن حوالي ڪيو ويو. هوڏانهن مقتول جي وارث ڏوڪري ٿاڻي تي مقتول جو لاش رکي احتجاج ڪيو. ان موقعي تي مقتول جي ڀاءُ عنايت ﷲ خاصخيلي ميڊيا سان ڳالهائيندي چيو ته عبدالصمد خاصخيلي هڪ ڏينهن سندس والد مٿان تشدد ڪيو هو جنهن جي اين سي ڏوڪري ٿاڻي تي داخل ڪرائي. هن وڌيڪ چيو ته پوليس گرفتار ڪيل ماڻهن کي آزاد ڪري ڇڏيو هو. هن وڌيڪ چيو ته صبح جو عبدالصمد خاصخيلي ماڻهو وٺي دوڪان تي ويٺل ننڍي ڀاءُ جاويد خاصخيلي مٿان بيلچن سان حملو ڪيو قتل ڪري ڇڏيو آهي. هن وڌيڪ چيو ته بي گناھ سندس کي ڀاءُ کي ماريو ويو آهي هن مطالبو ڪيو ته بنا دير جوابدارن کي گرفتار ڪري سخت کان سخت سزا ڏني وڃي. هوڏانهن ٻئي ڌر جي محمد معاز خاصخيلي، ريحان خان ڏوڪري پريس ڪلب ۾ پوليس جي بنا جواز چڙهائي خلاف احتجاج ڪندي چيو آهي ته جاويد خاصخيلي واري ڌر اسان جي مٿان حملو ڪيو ڪيو آهي ۽ اسان جي مٿان حملو ڪري اسان جي ماڻهن کي زخمي ڪيو آهي. هنن چيو ته جاويد خاصخيلي دل جو دورو پوڻ سبب فوت ٿي ويو معاملي جي صاف شفاف نموني جاچ ڪئي وڃي. ڏوڪري پوليس چادر چوديواري جو تقدس پامال ڪري اسان جي گهرن ۾ ڀڃ ڊاھ ڪري سولر پليٽون، بيٽريون، 2 سي ڊي موٽر سائيڪلن سميت ٻيو سامان کڻي وئي آهي. هنن چيو ته اسان جي مٿان بي گناھ ڪوڙا الزام ڦاسو پيو وڃي. هنن چيو ته پوليس اسان جا چار ماڻهو نور احمد خاصخيلي، محمد غيور خاصخيلي، محمد سميع خاصخيلي، محمد طاحہ خاصخيلي کي کڻي گم ڪري ڇڏيو آهي. هوڏانهن ڏوڪري پوليس جو چوڻ هو ته خاصخيلي برادري جي ٻن ڌرين وچ ۽ معمولي ڳالھ تان جهيڙو ٿي پيو آهي جهيڙي ۾ ٽي ڄڻا زخمي ٿي پيا آهن زخمين کي ميڊيڪل ليٽر ڏئي علاج لاءِ اسپتال پهچايو ويو. پوليس جو چوڻ هو ته هڪ زخمي جاويد خاصخيلي زخمن جا سور نه سهندي فوت ٿي ويو جنهن جو اوپن پوسٽ مارٽم ڪرايو آهي وڌيڪ پوسٽ مارٽم رپورٽ اچڻ بعد ڪاروائي ڪئي ويندي. پوليس جو چوڻ هو ته ٻن عبدالصمد خاصخيلي ۽ ماجد خاصخيلي کي لاڙڪاڻي اسپتال علاج لاءِ داخل ڪرائي پوليس ڪسٽيڊي ۾ رکيو ويو آهي هوڏانهن آخري اطلاعن تائين واقعي جو ڪيس داخل نه ٿي سگهيو آهي.