ٺٽي جي سول اسپتال ۾ ويم بعد ڊاڪٽرن جي مبينا غفلت سبب عورت فوت

ويم بعد بلڊ بند ٿيڻ ۽ غلط انجيڪشن سبب عورت فوت ٿي وئي: وارثن جو الزام

ٺٽو( شفيق ڀٽي)سِوِل اسپتال ٺٽو جي گائني وارڊ ۾ ڊليوري کان پوءِانڊر آبزرويشن رھندڙ عورت فوت، مريضن جا وارث پريشان ، ٽي ڏينهن اڳ ڊليوري ٿيل عورت خون ضايع ٿيڻ سبب ۽ مبينا غلط انجيڪشن سبب فوت ٿي وئي. فوت ٿيل عورت جي وارثن پاران اسپتال انتظاميه تي لاپرواهي جو الزام لڳايو ويو آهي. هنن چيو ته اسپتال آندل عورت جو ڊليوري کان پوءِ خون بند نه ٿيڻ سبب طبيعت گھڻي خراب ٿيڻ لڳي وارٽن چيو اسان ٻه دفعا اسپتال انتظاميا ۽ عملي کي درخوست ڪئي ته مريض کي ڊسچارج ڪيو پر انتظاميا صاف انڪار ڪيو جنھن جي نتيجي ۾ اڄ مجھند ڌاري عورت فوت ڪري وئي انھن وڌيڪ ٻڌائيندي چيو ڊاڪٽرن ۽ سول سرجن ڊاڪٽر يامين شاهه سختي سان منع ڪئي ته هتي سٺو علاج ٿي رهيو آهي وارثن چيو ته سٺو علاج اُھو ٿيو جيڪو سٻ جي اڳيان سوال بڻجي ويو آھي ، هوڏانهن سِوِل سرجن ڊاڪٽر يامين شاهه به واقعي واري ھنڌ موجود رھيو ان کان علاوه سمورو اسٽاف پڻ موجودھو ، پر وارثن جي شڪايتن باوجود اسپتال انتظاميه ڪو به تسلي بخش جواب نه ڏئي سگھي . مريضن جا وارث سخت پريشان ۽ بيچين نظر آيا، جڏهن ته ان واقعي کانپوء اسپتال ۾ افراتفري وڌي وئي اسپتال جي سيڪيورٽي سخت ڪئي وئي، مريضن جي مائٽن جي گائني وارڊ ۾اندر انٽري ڪرڻ کان منع ڪيو ويو چوڪيدارن کي هاءِ الرٽ ڪيو ويو.، وارثن مطالبو ڪيو آهي ته واقعي جي مڪمل جاچ ڪرائي، ذميوار عملدارن خلاف ڪارروائي ڪئي وڃي ته جيئن اهڙا واقعا مستقبل ۾ ورجھائڻ کان بچي سگھجي.۔