ٺٽي جي صحافي نثار احمد گندرو تي منشيات فروشن جو مبينا حملو

حملي آورن گهر ۾ گهڙي ڀڃ ڊاهه ڪئي ۽ هوائي فائرنگ ڪري خوف پکيڙيو: نثار احمد گندرو

ٺٽو( محمد شفيق ڀٽي) ٺٽي جي گندرا برادري جي معزز صحافي نثار احمد گندرو جي ٺٽي شھر جي اسلامپور محلي وارڊ نمبر 3 ۾ سندس گھر تي منشيات فروشن حملو ڪري ھوائي فائرنگ ڪري علائقي ۾ ڏھڪاء پکيڙي کيس زخمي ڪري وڌو، زخمي اسپتال داخل، حملي آورن سندس گھر ۾ داخل ٿي ڀڃ ڊاھ ڪري 6 موٽر سائيڪلن سميت گھر ۾ رکيل سموري سامان کي نقصان پھچائي ڇڏيو، ٺٽي ٿاڻي تي حملي آورن خلاف ڪيس داخل ڪابہ گرفتاري عمل ۾ اچي نہ سگھي. ان سلسلي ۾ سول اسپتال مڪلي ۾ زخمي حالت ۾ داخل ٿيل ٺٽي شھر جي اسلامپور محلي وارڊ نمبر 3 جي رھواسي گندرا برادري جي معزز صحافي نثار احمد گندرو ٻڌايو تہ گذريل رات منشيات فروشن بلاجواز سندس گھر تي حملو ڪري کيس سخت زخمي ڪرڻ سميت سندس گھر ۾ ڀڃ ڊاھ ڪري 6 موٽر سائيڪلن سميت گھر ۾ رکيل سموري سامان کي نقصان پھچايو ويو آھي، جنھن نقصان جي ڀرپائي ناممڪن بڻيل آھي، نثار احمد گندرو چيو تہ ھن ٺٽي ٿاڻي تي مٿس حملو ڪندڙن توڙي سندس گھر ۾ ڀڃ ڊاھ ڪري کيس نقصان پھچائيندڙ خلاف ٺٽي ٿاڻي تي ڪيس داخل ڪرايو اھي، جنھن ۾ 9 حملي آور نامينيٽ ۽ 4/5 نامعلوم ڄاڻايا ويا اھن، نامينيٽ ڪيل حملي آورن ۾ عزيز، مصطفيٰ، رفيق، سليم، اسلم، عباس، غلام، سرور ۽ عادل گندرو شامل آھن، پر پوليس اڃان تائين ڪوبہ حملي اور جوابدار گرفتار ڪري ناھي سگھي، جيڪي کيس وڌيڪ نقصان ڏيڻ جون ڌمڪيون پيا ڏين. ھن ايس ايس پي ٺٽو کان مطالبو ڪيو تہ فورن مٿس حملو ڪندڙن توڙي سندس گھر ۾ ڀڃ ڊاھ ڪري کيس نقصان پھچائيندِڙ منشيات فروشن خلاف سخت ڪاروائي ڪري کين گرفتار ڪري ڪيفر ڪردار تائين پھچائي کيس تحفظ مھيا ڪيو وڃي، ٻئي صورت ۾ سخت احتجاج ڪيو ويندو. ان موقعي تي انيس ھيلايو، عبدالرحمن گندرو، اسماعيل پليجو ۽ بيا پڻ موجود ھئا.