گلشن حديد ۽ اسٽيل ٽائون ۾ پاڻي جي شديد کوٽ، عورتن جو اسٽيل مل انتظاميه خلاف احتجاج

40 views | 31st Jul 2025 • سنڌي خبرون

علائقي ۾ 25 ڏينهن کان مٺو پاڻي بند آهي، جنهن سبب روزمره زندگي عذاب بڻجي وئي آهي: عورتون

گلشن حديد ۽ اسٽيل ٽائون ۾ پاڻي جي شديد کوٽ، عورتن جو اسٽيل مل انتظاميه خلاف احتجاج

ملير (رپورٽ: عبدالرشيد مورجھريو) گلشن حديد ۽ اسٽيل ٽائون ۾ مٺو پاڻي اڻ لڀ ٿي ويو آهي جنهن خلاف رهواسين خاص ڪري عورتن پاران اسٽيل مل انتظاميه خلاف سخت احتجاج ڪيوويو.مظاهرو ڪندڙ عورتن جو چوڻ هو ته علائقي ۾ 25 ڏينهن کان مٺو پاڻي بند آهي، جنهن سبب روزمره زندگي عذاب بڻجي وئي آهي. عورتن چيو ته هوءَ گهرن ۾ پاڻي نه هئڻ ڪري مجبوراً روڊن تي نڪري احتجاج ڪري رهيون آهن.مظاهرين اسٽيل مل انتظاميه تي الزام لڳايو ته هو پاڻي جي فراهمي بند هجڻ باوجود ڀاري بل وصول ڪري رهي آهي، جيڪا سراسر ناانصافي آهي.احتجاج ڪندڙن اعليٰ اختيارين کان مطالبو ڪيو ته فوري طور تي پاڻي جي فراهمي بحال ڪئي وڃي ۽ غفلت جا ذميوار آفيسر خلاف ڪارروائي ڪئي وڃي.عورتن خبردار ڪيو ته جيڪڏهن سندن مسئلو جلد حل نه ڪيو ويو ته هو دانهين ديرپا ڌرڻو هڻڻ تي مجبور ٿينديون.