مڪلي ۾ ڊاڪٽر جي مبينا غلط آپريشن سبب نينگر زندگي ۽ موت جي 2 واٽي تي بيٺل، والد جو احتجاج

ڊاڪٽر معشوق خواجا پٽ جو غلط آپريشن ڪيو، جنهن سبب هو موت سان وڙهي رهيو آهي: الهبچايو سمون

ٺٽو( شفيق ڀٽي)مڪلي ناريجه وليج واسي الهبچايو سمون عوامي پريس ڪلب ٺٽو ۾ سول اسپتال مڪلي ۾ لمس پاران مقرر ڊاڪٽر معشوق خواجہ تي غلط آپريشن جو الزام،انصاف جي گھر،تفصيلي خبر موجب مڪلي ناريجہ ڳوٺ جي رھواسي غريب پورھيت الھبچايو سمون عوامي پريس ڪلب ۾ صحافين اڳيان دانهيندي الزام هنيو آهي ته سندس 14 سالا نوجوان پٽ غلام علي کي اچانڪ پيٽ ۾ تڪليف ٿي جو کيس کڻي سول اسپتال مڪلي پھتس جو مونکي ڊاڪٽر معشوق خواجہ چيو تہ ھن کي منھنجي پرائيويٽ سينٽر حسيني اسپتال مڪلي کڻي ھل،جو اتي مونکي ڊاڪٽر معشوق علي خواجه طرفان چيو ويو تہ 75 ھزار رپيا ڪائونٽر تي جمع ڪرائي،جيئن تہ آئون غريب مسڪين ماڻھون آھيان مون اڌاري ڪري 75 ھزار جمع ڪرايا جو ان باوجود ھن منھنجي پٽ جو غلط آپريشن ڪيو، جنھن سبب سندس حالت وڌيڪ خراب ٿي ويئي، الهبچايو سمون وڌيڪ ٻڌايو ته ان کان پو ڊاڪٽر معشوق وري منھنجي پٽ کي سول اسپتال مڪلي کڻي ھلڻ جو چيو،جتي ھن دوبارہ آپريشن ڪيو پر اھو بہ ناڪام ٿي ويو،جنھن کان پو ھن مونکي جناح اسپتال موڪليو،جتي انھن بہ داخل نہ ڪيو،ھاڻ منھنجي پٽ جي حالت خراب آھي، هن ٻڌايو ته ڊاڪٽر معشوق خواجہ مونکان آپريشن جا 75 هزار فيس جا به ورتا، ان باوجود غلط آپريش ڪري منھنجي پٽ جي زندگي داؤ تي لڳائي ڇڏي آھي،ھن چيو تہ ان کان پو آئون وڌيڪ اڍائي ٽي لک خرچ ڪري چڪو آھيان پر اڃا تائين منھنجي پٽ جي حالت بدستور خراب آھي،ھن چيو تہ ڊاڪٽر معشوق خواجہ ذاتي لالچ ۾ اچي سندس پٽ جو غلط آپريشن ڪري سندس زندگي کي داؤ تي لڳائي وڏو ظلم ڪيو آھي، هن وزير اعلا سنڌ، ھيلٿ منسٽر سنڌ،سيڪريٽري ھيلٿ سنڌ،لمس يونيورسٽي جي وائيس چانسلر ۽ ھتان جي چونڊيل سياسي نمائندن حاجي علي حسن زرداري،سيد رياض شاھ شيرازي ۽ صادق علي ميمڻ کان فوري طور ھن معاملي جي نوٽيس وٺڻ، ڊاڪٽر معشوق خواجہ تي ايڪشن وٺڻ ۽ سندس پٽ جي حياتي بچائڻ لا علاج ۾ مدد جي اپيل ڪئي آھي