نوشهروفيروز ڊي سي آفيس ڀرسان وڻ وڍجي ويا، وڊيو وائرل ٿيڻ بعد ڪيس داخل

نوشهروفيروز(ڊ ر) ڊي سي آفيس ڀرسان وڻ وڍجي ويا سينئر صحافي ممتاز سولنگي پاران ٿاڻي تي اين سي ڪٽرائڻ وڊيو سوشل ميڊيا تي وائرل ٿيڻ بعد سرڪار جاڳي پئي سرڪاري مديت ۾ ڪيس داخل، گرفتاري عمل ۾ نه اچي سگهي ٻيلي کاتي نوشهروفيروز جي انچارج غلام نبي وسطڙو جي فرياد تي نوشهروفيروز ٿاڻي تي جوابدار زاهد پيرزادو، وسيم کوکر، غفار سيال، راڻا مجيد سميت چئن نامعلوم جوابدارن خلاف ڪيس داخل ڪيو ويو آهي، فريادي موقف اختيار ڪيو آهي ته مذڪوره جوابدار سرڪاري ڪاٺ ڪٽيو ۽ اهو ڪاٺ آرا مشين تي وڪرو ڪيو ويو سرڪاري ڪاٺ ڪٽڻ جي ڪنهن به اجازت نه آهي، وڻ جياپو آهن، وڻ ڪٽيندڙن خلاف ڪيس داخل ڪيو ويو آهي: ڊي ايف او هوش محمد شر۔ ياد رهي ته گذريل ڏينهن ڊي سي ۽ ڊي ايف او آفيس ڀرسان وڻ جي واڍي شروع ڪئي وئي هئي، واڍي دوران قيمتي ڪاٺ ڪٽڻ جي ڪوشش پڻ ڪئي وئي هئي واڍي دوران ڪيترو ڪاٺ ڪٽيو ويو هو، جنهن کان پوءِ اطلاع ملڻ کان پوءِ ڊي سي نوشهروفيروز ۽ ڊي ايف او پاران نوٽيس ورتو ويو ۽ ڪاٺ ڪٽيندڙن خلاف ڪيس داخل ڪيو ويو