شڪارپور ويجهو پورهيت جو لاش هٿ اچڻ واري واقعي خلاف سندس وارثن جو احتجاج

صوفي صاحب مھر ,غلام النبي مھر,عارف مھر, امجد مھر ۽ ٻين جي اڳواڻي ۾ احتجاجي مظاهرو ڪيو ويو

شڪارپور. (احسان ابڙو ) شڪارپور لڳ ڄامڙا ڦاٽڪ ويجھو ھوٽل تي مزدوري ڪندڙ پورھيت عرفان مھر جو لاش ھٿ اچڻ وارو معامرو/وارثن پاران شڪارپور پريس پھچي قتل جو شڪ ظاھر ڪندي احتجاج ڪيو آهي احتجاج ڪندڙن صوفي صاحب مھر ,غلام النبي مھر,عارف مھر, امجد مھر ۽ ٻين جو چوڻ هيو تہ مقتول عرفان مھر لکيدر تي ديوان جي ھوٽل تي پورھيو ڪندو ھو گذريل ڏينھن مقتول عرفان مھر گھران اھو چئي نڪتو تہ مان ھوٽل تي ڪم لاء وڃان ٿو جيڪو رات دير تائين واپس گھر نہ آيو لکي پوليس پاران وارثن کي اطلاع ڏياريو تہ اوھان جي نوجوان جو لاش ڄامڙا ڦاٽڪ ويجھو ھٿ آيو آھي جيڪو ھن وقت لکي اسپتال ۾ موجود آھي وارثن پاران شڪارپور مان ايمولينس ذريعي مقتول عرفان مھر جو لاش گھر کڻائي آيا مقتول عرفان کي پنجن ٻارن جي اولاد آھي اسان غريب آھيون ڪنھن سان به دشمني ناھي ھنن چيو تہ اسان کي شڪ آهي ته غريب پورھيت کي ناحق قتل ڪيو ويو آھي, ھنن ڊي آء جي لاڙڪاڻو,ايس ايس پي شڪارپور سميت وس وارن کان مطالبو ڪيو آھي تہ مقتول جي خون جي انڪوائري ڪري ملوث جوابدارن کي ظاھر ڪيو وڃي ۽ انھن کي قانون جي گرفت ۾ آڻي اسان سان انصاف ڪيو وڃي.ٻي صورت ۾ اسان احتجاج جو دائرو وسيع ڪنداسين.