ٽالهي لڳ ڳوٺاڻن جو بااثرن جي مبينا زيادتين خلاف احتجاجي مظاهرو

17 views | 21st Jul 2025 • سنڌي خبرون

ٽالهي لڳ ڳوٺاڻن جو بااثرن جي مبينا زيادتين خلاف احتجاجي مظاهرو

ٽالهي(رپورٽر) ٽالهي لڳ ڳوٺاڻن جو بااثرن جي مبينا زيادتين خلاف احتجاج گھر خالي ڪرائڻ زمينن تي قبضو ۽ ڪوڙا ڪيس داخل ڪرائڻ جا الزام، بااثر ڪبير اٺواڙيو ،تنوير اٺواڙيو ۽ ٻيا اسان کي ڌمڪائي ڪوڙا ڪيس داخل ڪرائي گهر خالي ۽ زمين تي قبضو ڪرڻ چاهين ٿا، انب ڀيل، هي اسان جي 26 ايڪڙ زمين قبضو ڪري رهيا آهن پونجو مل ڀيل ۽ ٻين جي سامهون فيصلو به ٿي چڪو آهي، لڳل الزام غلط آهن، تنوير اٺواڙيو خبر موجب ٽالهي لڳ مٺي جي حد ڳوٺ ٻڍو ڀيل جي رهواسين پاران بااثرن جي مبينا زيادتين خلاف احتجاجي مظاهرو ڪري گھر خالي ڪرائڻ زمينن تي قبضا ۽ ڪوڙا ڪيس داخل ڪرائڻ جا الزام هنيا ويا انهي سلسلي ۾ ڳوٺاڻن انب ڀيل، ملوڪ ڀيل، ڪانهيو ڀيل،صوف ڀيل، رانجهون ڀيل ،۽ ٻين ميڊيا سان ڳالهائيندي الزام هڻندي چيو ته بااثر ڪبير اٺواڙيو ،تنوير اٺواڙيو طارق اٺواڙيو ۽ شبير اٺواڙيو اسان کي ڌمڪائي ڪوڙا ڪيس داخل ڪرائي گهر خالي ۽ زمين تي قبضو ڪرڻ چاهين ٿا اسان جو ڳوٺ ۽ زمين جو موهاڳو سرڪاري زمين ۾ اچي ٿو ۽ اسان جي زمين مٺي ۽ هنن بااثرن جون زمينون عمرڪوٽ ضلعي جي حد ۾ اچن ٿيون پر هن هوندي به بااثر اسان مٿان ظلم ڪري ڪوڙا ڪيس داخل ڪرائي اسان کي بلا وجہ تنگ ڪري رهيا آهن هنن وڌيڪ چيو ته اسان جو ڳوٺ هتي سالن کان آباد آهي هنن مطالبو ڪندي گھر ڪئي ته بااثر جي زيادتين جو نوٽيس وٺي اسان سان انصاف ڪيو وڃي هوڏانهن الزام هيٺ آيل تنوير اٺواڙيو سان رابطو ڪرڻ تي هنن ٻڌايو ته اسان جي 26 ايڪڙ زمين تي هي قبضو ڪري رهيا آهن جنهن جو ڪجهه عرصو پهرين پونجو مل ڀيل ۽ ٻين جي سامهون فيصلو پڻ ٿي چڪو آهي زمين جو موهاڳو سرڪاري زمين ۾ اچي ٿو اسان مٿان لڳل الزام غلط آهن