نوشهروفيروز ۾ پٽ جي صدمي ۾ فوت ٿيل عورت جو پريس ڪلب آڏو لاش رکي ڌرڻو

نوشهرو فيروز(ڊ ر) مستوئي برادري جو قاتلن جي گرفتاري لاءِ نوشهرو فيروز پريس ڪلب آڏو پٽ جي صدمي سبب فوت عورت جو لاش رکي احتجاج۔ احتجاج جي اڳواڻي موريل مستوئي۔ جاويد مستوئي۔ عبدالحميد مستوئي۔ غلام مصطفي مستوئي۔ عرفان علي مستوئي۔ حڪيم مستوئي ۽ ٻيا ڪري رهيا هئا ان موقعي تي احتجاج ڪندڙن ڪجهه مهينا اڳ چيو ته سيال برادري جي ڇوري نورالنساء سيال خان محمد مستوئي سان پيار جو پرڻو ڪيو ان بعد سيال برادري جي ماڻهن اسان جي گهرن تي چڙهائي ڪري چوپايو مال ڪاهي ويا۔ وري ٻيهر هنن اسان جي گهرن تي حملو ڪيو ان حملي ۾ صفدر علي مستوئي موقعي تي فوت ٿي ويو ۽ پيار علي مستوئي سخت زخمي ٿي پيو جيڪو زخمن جا سور نه سهندي فوت ٿي ويو آھي فوتي پيار علي مستوئي جي امڙ مسمات زرينا پٽ جي صدمي سبب فوت ٿي وئي آھي مٺياڻي پوليس جوابدار ڌر سان ٻٽ بڻيل آھي پوليس حقيقي جوابدار گرفتار ڪرڻ بجاءِ عيوضين کي گرفتار ڪري وري پيسن عيوض کين ڇڏي رهي آھي اسان اعلا اختيارين کان گهر ٿا ڪيون ايف آءِ آر ۾ ڄاڻايل جوابدار گرفتار ڪري اسان کي تحفظ فراهم ڪيو وڃي