ملير پوليس جي ڪارروائي، غير قانوني هٿيار ۽ گولا بارود هٿ ڪرڻ جي دعويٰ

ملير (رپورٽ: عبدالرشيد مورجھريو)ملير سٽي پوليس ڳجهي اطلاع تي فوري ۽ اثرائتي ڪارروائي ڪندي ملير سٽي ٿاڻي جي حد مان وڏي مقدار ۾ غير قانوني هٿيار ۽ گولا بارود هٿ ڪري ورتو آهي جڏهن ته ڪارروائي دوران هڪ اهم جوابدار کي گرفتار ڪيو ويو آهي. پوليس موجب، گرفتار جوابدار جي سڃاڻپ محمد عبدالله ولد غلام قادر جي نالي سان ٿي آهي، جيڪو مبينا طور خطرناڪ هٿيارن جي غير قانوني ڪم ۾ ملوث رهيو آهي.ڪارروائي دوران جوابدار وٽان هيٺيان هٿيار ۽ ايمونيشن هٿ آيا: 3 عدد .222 رائفلون لوڊ ميگزين سميت — 330 زنده رائونڊ1 عدد .223 رائفل لوڊ ميگزين سميت ۽ 3 اضافي ميگزين — 242 زنده رائونڊ1 عدد بارھ بور بندوق 2 لوڊ ميگزين سميت1 عدد ڊرم لوڊ — 210 زنده ڪارٽوس 17 عدد مشلڪي زنده رائونڊ146 عدد ايس ايم جي جا زنده رائونڊ2 عدد ٽيلي اسڪوپ:هڪ ڪاري رنگ جي BUSHNELL 4x32هڪ سونهري رنگ جي BUSHNELL 4x32 پوليس ذريعن جو چوڻ آهي ته گرفتار جوابدار وٽان هٿ آيل هٿيار ڪنهن وڏي دهشتگردي يا تخريبڪاري لاءِ استعمال ٿي سگهي ها، پر بروقت ڪارروائي سان ممڪن تباهي ٽري ويئي ملير سٽي پوليس جو چوڻ آهي ته جوابدار جو ڪرمنل رڪارڊ به چيڪ ڪيو پيو وڃي، ۽ سندس خلاف مقدمو داخل ڪري وڌيڪ جاچ شروع ڪئي وئي آهي.