ملير: قذافي ٽائون ۾ گهر تي حملو، پسند جي شادي ڪندڙ ناري مڙس سميت اڳوڻي مڙس هٿان قتل

5 views | 01st Dec 2025 • سنڌي خبرون

ملير: قذافي ٽائون ۾ گهر تي حملو، پسند جي شادي ڪندڙ ناري مڙس سميت اڳوڻي مڙس هٿان قتل

ملير (رپورٽ: عبدالرشيد مورجھريو) شاهه لطيف ٿاڻي جي حدن ۾ واقع قذافي ٽائون ۾ گهر اندر فائرنگ ۾ زال مڙس مارجي ويا پوليس موجب جوڙي پنهنجي پسند سان شادي ڪئي هئي، جنهن تي سندن گهر وارن سخت ناراضي جو اظهار ڪيو هو، جڏهن ته عورت جي هيءَ ٻي شادي هئي۔شروعاتي جاچ ۾ انڪشاف ٿيو آهي ته عورت جي اڳوڻي مڙس پنهنجي هڪ ساٿي سان گڏجي جوڙي تي فائرنگ ڪئي، جنهن سبب ٻئي واقعي واري هنڌ تي ئي فوت ٿي ويا۔ واقعي بعد علائقي ۾ خوف ۽ ڏهڪاءُ پکڙجي ويو، جڏهن ته مقتولين جي وارثن ۾ غم ۽ مايوسي جو ماحول ڇانيل آهي۔پوليس جو چوڻ آهي ته واقعي واري هنڌ کان شواهد گڏ ڪيا پيا وڃن ۽ جوابدارن جي ڳولا لاءِ ڇاپا هنيا پيا وڃن۔ پوليس ڪيس داخل ڪري وڌيڪ جاچ شروع ڪري ڇڏي آهي۔