شڪارپور ۾ ڳوٺ سهراب خان جکراڻي واسي جيالي جو احتجاج

بابل خان ڀيو تڪ ۾ ڪو به ڪم ناهي ڪرايو: قابل جکراڻي

شڪارپور ( احسان ابڙو ) علائقي واسين جا ووٽ گذريل اليڪشن ۾ پ پ اميدوارن کي ڏياري بدلي ۾ سنڌ ڪابينه ۾ صلاحڪاري حاصل ڪندڙ مير بابل خان ڀيو پاران علائقي واسي ووٽرن جا بنيادي مسئلا ته حل ڪري نه سگھيو ويتر سندس جي جاڳڻ ۽ الطاف ڪوٽ جي ڀرپاسي جي چورن،ڦورن تر ئي تپائي ڇڏيا يوسي جاڳڻ جي ديھ قاضي واھ ڳوٺ سھراب خان جکراڻي واسي قابل جکراڻي عوامي ڪئمپ آفيس پھچي شڪايتن جا انبار لڳائي ڇڏيا قابل جکراڻي احتجاج ڪندي ميڊيا سان ڳالھائيندي دانهيندي چيو ته گذريل اليڪشن ۾ اسانجي ڳوٺ سھراب جکراڻي ۾ صوبائي صلاحڪار مير بابل خان ڀيو پ پ اميدوارن جي ورڪ تي پھتو جنھنجو چوڻ ھيو تہ شڪارپور ،ڳڙھي ياسين ۽ لکي جي تڪ اين اي 193 تي ايم اين اي لاء شھريار مھر اميدوار آ ۽ پي ايس 9 ڳڙھي ياسين تي ايم پي اي لاء آغا سراج دراني جن پ پ جا اميدوار آھن جن کي ووٽ ڏيڻو آھي ھن چيو ته اسان پ پ اميدوارن کي سڃاڻيندا ئي نه ھئاسين ۽ نه ئي ھو ورڪ تي مير بابل خان ڀيو سان گڏ ھيا ھن جو چوڻ ھيو تہ اسان صوبائي صلاحڪار مير بابل خان ڀيو جي چوڻ تي پ پ اميدوارن کي ديھ قاضي واھ جي پولنگ کٽائي ڏني ھئي ۽ تازو ايم پي اي بڻيل آغا شھباز پٺاڻ کي ووٽ ڏيڻ لاء بہ مير بابل خان ڀيو اسان جي ڳوٺ سھراب جکراڻي اچي ووٽ ڏيڻ لاء چيو جنھنکي بہ ووٽ ڏئي پولنگ سيف ڪرائي تنھن باوجود ھيل تائين نه ئي روڊ ٺھيو نه ڪو ڳوٺ ۾ پيور بلاڪ مليو نه ئي ڪو اسڪول ملي سگھيو ۽ نه ئي بجلي ملي سگھي آھي جديد دور ۾ اسان بنيادي سھولتن کان محروم آھيون ويتر اسانجي ڳوٺ سھراب جکراڻي مان منھنجي گھر مان گذريل مھيني جنوري جي 14تاريخ واري رات 7 ھتياربندن چورن گھر جي در جو تالو ڪٽي چار ڀلوڙ مينھون بہ چورائي ويا جنھنجو پيرو الطاف ڪوٽ، جاڳڻ واري علائقي ۾ گم ٿي ويو متاثر قابل جکراڻي وڌيڪ چيو ته چوري ٿي چئن مينھن جي واپسي لاء جاڳڻ ۽ الطاف ڪوٽ واري علائقي ۾ قرآن پاڪ کڻي گھمائڻ باوجود مينھون واپس ناھن مليون ھن جو چوڻ ھيو تہ صوبائي صلاحڪار مير بابل خان ڀيو سان ٻه دفعا ملي چڪو آھيان جنھن آسرو ڏيڻ باوجود ھن مھل تائين چوري ٿيل چار مينھون واپس ڏياري ناھين گھيو متاثر قابل جکراڻي جو چوڻ ھيو تہ جيڪڏھن مينھون واپس نه ٿيون ته احتجاج جو دائرو وڌايو ويندو متاثر قابل جکراڻي پاران آء جي سنڌ ، ڊي آء جي لاڙڪاڻو ۽ ايس ايس پي شڪارپور ۽ ٻين وس وارن کان نوٽيس وٺڻ جو مطالبو ڪيو آ ته نوٽيس وٺي چوري ٿيل چار مينھون واپس ڏياريون وڃن ۽ انصاف ڪيو وڃي