سجاول ۾ ايس ٽي پي اڳواڻن پاران لوڊشيڊنگ گهٽائڻ ۽ منشيات فروشن خلاف ڪارروائي جو مطالبو

واپڊا انتظاميه وارن کان ڪير پڇڻ وارو ناهي ڪلاڪن جا ڪلاڪ بجلي غائب رھي ٿي: ڪامريڊ گل حسن رند

سجاول (رپورٽر) ترقي پسند پارٽي تعلقه سجاول جي اڳواڻن ڪامريڊ گل حسن رند.سڪندر آمڙو.دادا سنڌي پريس ڪانفرنس ڪندي چيو آهي ته سجاول ۾ اڻ اعلانيل لوڊشيڊنگ جو سلسلو جاري آهي لوڊشيڊنگ سبب شهري ڪاروباري توڙي عام ماڻهو سخت پريشان آهن واپڊا انتظاميه وارن کان ڪير پڇڻ وارو ناهي ڪلاڪن جا ڪلاڪ بجلي غائب رھي ٿي جنھن جو سختي سان نوٽيس ورتو وڃي ٻي طرف سجاول شھر ۾ منشيات جو واهپو ۽ وڪرو کلي عام عام آھي شھر ۾ گھٽڪو.مائو.پڙيون ڪچو شراب سميت ھر قسم جي منشيات ھلي پئي منشيات فروش اھڙي قسم جي منشيات جو بي خوف ڌندو ڪن پيا جن کي ڪير چوڻ وارو ناهي منشيات فروش قانون کان به زور آور آھن جيڪي مھانگي گاڏين ۾ منشيات آڻي داخلي رستن تان اچن ٿا جن مان اھيو پڻ خطرو آهي ته ھو وڏا ھادثا ڪري حياتيون وڃائي سگھن ٿا منشيات واپرائڻ سبب ڪافي ماڻھو فوت ٿي ويا آھن جڏھن ته ڪافي تعداد ۾ نوجوان نشي جا عادي مختلف بيمارين ۾ مبتلا آھن موالي نشي لاءِ چوريون ڪن ٿا شريف شھري پريشان آهن منشيات ايتري قدر وڌي وئي آهي جو نوجوان نسل مرد عورتون ٻارڙا به نشي سماجي وبا جي ور چڙهيل آهن اھڙي سماجي براين منشيات فروشن خلاف پوليس خاموش تماشائي بڻيل آهي اسان ڊي آئي جي حيدرآباد ايس ايس پي سجاول ايس ايڇ او سجاول کان مطالبو ٿا ڪيون ته سجاول ۾ منشيات فروشن خلاف سخت ڪارروائي ڪئي وڃي منشيات تي ڪنٽرول ڪري منشيات فروشن کي قانون جي گرفت ۾ آندو وڃي ٻي صورت ۾ ضلعي تنظيم توڙي مرڪز سان مشاورت ڪري احتجاج ڪيا ويندا ايس ٽي پي سجاول جي عوام سان گڏ آھي اسان ھر ان اداري خلاف هونداسين جيڪي عوام دشمن پاليسين تي ھلندا اسان انھن خلاف ماٺ ڪري نه ويهنداسين فوري طور لوڊشيڊنگ توڙي سماجي برائين جي خاتمي لاءِ قدم کنيا وڃن