پاکستان کرکٹ بورڈ کا اعلان: پی ایس ایل میچز معمول کے مطابق ہوں گے

پاکستان کرکٹ بورڈ (پی سی بی) نے کہا ہے کہ بھارتی جارحیت کے باوجود پاکستان سپر لیگ (پی ایس ایل) کے شیڈول میچز معمول کے مطابق جاری رہیں گے۔ پی سی بی کے ایک بیان میں بتایا گیا کہ اسلام آباد یونائیٹڈ اور کوئٹہ گلیڈی ایٹرز کے درمیان میچ آج راولپنڈی میں شیڈول کے مطابق ہوگا۔ بیان میں مزید کہا گیا کہ میچ کا ٹاس شام ساڑھے 7 بجے ہوگا اور میچ 8 بجے شروع ہو گا، جبکہ پی ایس ایل 10 کے بقیہ میچز میں بھی کوئی تبدیلی نہیں کی گئی ہے۔ یاد رہے کہ بھارتی فوج نے حالیہ رات کو آزاد کشمیر کے مختلف علاقوں میں بزدلانہ حملے کیے جس میں شہری آبادی کو نشانہ بنایا گیا۔ ان حملوں میں 2 مساجد شہید ہوئیں اور 26 پاکستانی شہید جبکہ 46 زخمی ہوئے۔ پاکستانی فوج نے بھرپور جوابی کارروائی کرتے ہوئے بھارتی فوج کے 3 رافیل طیارے، ایک سکوئی، ایک مگ 29 اور ایک ڈرون تباہ کر دیا، اور بھارتی فوج کا بریگیڈ ہیڈکوارٹر بھی تباہ کر دیا۔ پاک فوج کی کامیاب کارروائی کے بعد بھارت نے لائن آف کنٹرول پر سفید جھنڈا لہرا کر شکست تسلیم کر لی۔