نوشهروفيروز ۾ صحافي قاضي ذوالفقار تي حملي خلاف احتجاج

قاضي ذوالفقار تي حملو ڪندڙ جوابدارن کي بنا دير گرفتار ڪيو وڃي: مطالبو

نوشهروفيروز(ڊ ر)نوشهروفيروز ۾ صحافين پاران سينيئر صحافي قاضي ذوالفقار تي حملو ڪندڙ جوابدارن کي گرفتار نه ڪرڻ خلاف پريس ڪلب آڏو احتجاج ڪيو ويو جنھن جي اڳواڻي پريس ڪلب جو صدر محمد يونس راڄپر ، جنرل سيڪريٽري علي نواز سولنگي ، نيشنل پريس ڪلب جي صدر ايم ظفر تڳر ، خادم حسين مري، خادم سيال، بشير حسيني، مسرور چانڊيو، راجا حنيف خاصخيلي ، پٺاڻ ٻوهيو ، شاهد خانزاده ، عرفان ميمڻ ۽ ٻيا ڪري رهيا هئا جن نعريبازي به ڪئي ان موقعي تي ميڊيا اڳيان دانهيندي چيو سينيئر صحافي قاضي ذوالفقار زائر تي گذريل رات جو هٿياربند جوابدارن پاران حملو ڪيو ويو ۽ کيس تشدد ڪري روڪ رقم ۽ موبائيل فونون ڦر ڪيون ويون آهن جنهن کي 36 ڪلاڪن کان وڌيڪ وقت گذري چڪو آهي پر پوليس جوابدارن کي گرفتار ڪري ناهي سگهي هنن چيو ته قاضي ذوالفقار تي حملو سنڌ جي شعور ۽ مظلوم ماڻهن جي آواز تي حملو آهي واقعي جي جيتري به مذمت ڪجي اها گهٽ آهي قاضي ذوالفقار اڪيلو ناهي سنڌ جا قلم ڌڻي ۽ ساڃاهه وند ساڻس گڏ آهن هنن چتاءُ ڏنو ته جيڪڏهن قاضي ذوالفقار تي حملو ڪندڙ جوابدارن کي جلد گرفتار نه ڪيو ويو ته ايس ايس پي ۽ ڊي سي آفيس جو گهيراء ڪري ڌرڻو هنيو ويندو جنهن جي ذميوار پوليس انتظاميا هوندي