سنڌو تي ٺھندڙ نوان ڪئنال بدترين تباھي آڻيندا، مزاحمت ڪنداسين: صفدر عباسي

ضلعي عمرڪوٽ ۾ اقليت برادري کي پي پي وارا ووٽن لاء هراسان ڪري ڌمڪايو پيو وڃي

عمرڪوٽ (رپورٽ:ڪانجي مل رکيسر)جي قومي تڪ اين اي 213 تي ننڊي چونڊ حوالي سان سرگرميون تيزي جاري آهن جي ڊي اي پاران اقليتن کي ووٽن لاء هراسان ڪرڻ ۽ ڌمڪيون ڏيڻ جا الزام هڻندي نوٽس جي اپيل ڪئي وئي جڏهن ته جي ڊي اي جو مرڪزي سيڪريٽري جنرل ڊاڪٽر صفدر عباسي چونڊ مهم جي سلسلي ۾ ڪنري پهتو ڪنري لڳ ڳوٺ ميمڻ ڪنري ۾ ميڊيا سان ڳالھائيندي صفدر عباسي چيو ته سنڌو تي ٺھندڙ نوان ڪئنال بدترين تباھي آڻيندا، ڪئنالن واري مامري تي پ پ جي منافقاڻي پاليسي آھي،پي پي ڪئنالن واري معاملي تي سنجيده آهي ته وفاقي حڪومت کان الڳ ٿي وڃي ان سان وفاقي حڪومت جو خاتمو اچي ويندو ۽ ڪئنالن وارو منصوبو پاڻھي ختم ٿي ويندي هن چيو ته تيمور ٽالپر کي خبر پئجي ويندي ته ٽانگا پارٽي ڪھڙي آھي، عيد بعد عمرڪوٽ ۾ زبردست پاور شو ڪنداسين هي ضمني چونڊ شفاف ٿي ۽ حڪومتي مشينري استعمال نه ٿي ته لال مالھي جي ڪاميابي يقيني آهي ڪئنالن سميت سنڌ دشمني سبب سنڌ جو عوام پي پي کي رد ڪري ڇڏيو آهي هن تڪ تان پي ٽي آئي ،جي ڊي اي ۽ سنڌو بچايو تحريڪ جا اميدوار لال مالھي چيو ته سمورن صوبن مان پي پي جو خاتمو ٿيڻ بعد سنڌ جي ڪجھ ضلعن تائين محدود ٿي وئي آهي اقتدار خاطر مسلسل سنڌ دشمني واري روش سبب عوام پي پي کي مڪمل رد ڪري ڇڏيو آهي ڌانڌلي جي پيداوار جو نالو پي پي آهي هن چيو ته ضلعي عمرڪوٽ ۾ اقليت برادري کي پي پي وارا ووٽن لاء هراسان ڪري ڌمڪايو پيو وڃي ۽ حڪومتي مشينري به ان ۾ ملوث آهي ان جو نوٽس وٺي تدارڪ ڪيو وڃي هن موقعي تي اڳوڻو تعلقه ناظم محمد ڄام ميمڻ اڳوڻو صلاحڪار ڊاڪٽر دوست محمد ميمڻ ،چئيرمين يوسي ميمڻ ڪنري محمد هارون ميمڻ به موجود هئا