English
نوکریاں
سنڌي خبرون
سندھ
پاکستان
تازہ ترین
پہلا صفحہ
سنڌ ۾ ڌاڙيل سردار ٿا پيدا ڪن، ماڻهو وري انهن سردارن مان اميد ٿا رکن: اياز لطيف پليجو
views
|
24th Feb 2025
•
سنڌي خبرون
سنڌو درياءَ تي ڪئنال اڏي حڪمران سنڌ کي تباھ ڪرڻ چاهين ٿا، عوام کي جاڳڻو پوندو
نصيرآباد(رپورٽر)نصير آباد جي ڳوٺ جاڙا واهوچا ۾ سنڌ ڪانفرنس کي خطاب ڪندي قومي عوامي تحريڪ جي سربراھ اياز لطيف پليجي چيو تہ سنڌ ۾ ڌاڙيل سردار ٿا پيدا ڪن، توهان وري انهن سردارن مان اميد ٿا رکون. جي نوان علمي، سماجي سائنسي ۽ سياسي سوال ذھن ۾ نٿا اڀرن ۽ انھن جا جواب نٿا ڳوليون تہ اسين مدي خارج ٿي وينداسين. سنڌ جي بقا جو واحد رستو وطن دوست، عوام دوست، علم دوست سياست ۾ آهي. اياز لطيف پليجي چيو تہ سنڌو درياءَ تي ڪئنال اڏي حڪمران سنڌ کي تباھ ڪرڻ چاهين ٿا،پ پ وارا ڪئنالن جي منظوري بعد سنڌ جي لکين ايڪڙ زمين پيا کپائين ڪينالن ۽ گرين پاڪستان جي نالي ۾ سنڌ جي ھزارين ايڪڙ زمينن تي قبضن خلاف ھي عارضي يا ھڪ ڏينھن جي جدوجهد ناهي مسلسل اڻٿڪ ۽ طويل جدوجھد جاري رکڻي پوندي ۽ سنڌ جي ھر سياسي، سماجي ۽ پروفيشنل تنظيم کي ھڪ ھڪ ضلعي، ھڪ ھڪ شھر ۽ ھڪ ھڪ ڳوٺ کي سجاڳ ڪري ميدان ۾ لاھڻو پوندو. سنڌ جا ايم پي اي، ايم اين ايز ۽ سينٽر زمينن تي والار ۽ ڪينالن خلاف ڇو خاموش آهن. ملڪ جي ترقي جي نالي ۾ سنڌ کي تباھ ۽ برباد نہ ڪيو وڃي سنڌ دشمن منصوبا رد نہ ٿيا تہ ڪراچي کان ڪشمور تائين ھر ڪلو ميٽر تي مزاحمت ڪنداسين. اياز لطيف پليجي چيو تہ سنڌو درياھ مان ڇھ نوان ڪئنال ڪڍڻ سان سنڌ ويران ٿي ويندي سنڌ جا ماڻهو صوماليا جي ماڻهن کان بہ بدتر زندگي گذارڻ تي مجبور ٿي ويندا. ملڪ جي ترقي جي نالي ۾ سنڌ کي تباھ ۽ برباد نہ ڪيو وڃي. اياز لطيف پليجي چيو تہ سنڌو درياھ جي وھڪري ۾ رڪاوٽون وجھڻ وارو چولستان ڪئنال سميت ڪو بہ منصوبو قبول ناھي. آصف علي زرداري، نواز ليگ، پيپلزپارٽي، ارسا ۽ واپڊا ھميشہ سنڌ کي ڀڙڀانگ ۽ بيابان بنائڻ وارا منصوبا جوڙيا آھن. ڏيڍ سئو سالن کان سنڌ جي پاڻي تي ڌاڙا ھنيا پيا وڃن. ٿل ڪئنال، چشمه جهلم لنڪ ڪينال ۽ ٻين ڌاڙيل واھن ذريعي سنڌ جو پاڻي چوري ڪيو پيو وڃي. سنڌو درياھ تي ڌاڙي جي ڪري سنڌ ۾ لکين ايڪڙ زمين بنجر ٿي وئي آھي. سنڌ کي پنھنجي حصي جو پاڻي نٿو ملي. سمنڊ ۾ پاڻي ڇوڙ نہ ٿيڻ ڪري سمنڊ جو پاڻي زير زمين حيدرآباد تائين پھچي ويو آھي۔ زھريلي پاڻي جي ڪري لکين ماڻھو ھيپاٽائيٽس سميت ٻين خطرناڪ بيمارين ۾ مبتلا ٿي ويا آهن. سنڌ جي زرعي معيشت جي تباھي، سنڌو درياھ کي سڪائڻ وارا منصوبا ملڪ دشمن منصوبا آھن، انڪري ملڪ دشمن، درياھ دشمن منصوبا بند ڪيا وڃن. سنڌي شاگرد تحريڪ جي اڳوڻي مرڪزي صدر سرتاج چانڊيو خطاب ڪندي چيو تہ سنڌو درياھ جي تاريخ، سڃاڻپ، ثقافت ۽ قدرت طرفان ڏنل تحفو ۽ ست ڪروڙ انسانن جي زندگي آھي ۽ ملڪ جي بقا آھي، سنڌو درياءَ تي ڪنھن بہ قسم جي سازش پاڪستان جي 27 ڪروڙ عوام خلاف سازش آھي،سنڌو درياھ کي ختم ڪرڻ لاء ڪو بہ ڪئنال قبول نہ ڪيو ويندو. پرامن جدوجھد ذريعي لکين عوام سان گڏجي مزاحمت ڪئي اڳوڻي شاگرد اڳواڻ ڊاڪٽر سعيد ميمڻ خطاب ڪندي چيو تہ پيپلزپارٽي سنڌ جا وسيلا ۽ لکين ايڪڙ زمين جو سودو ڪري اقتدار ورتو آھي اٽي، لٽي ۽ اجھي جا ڪوڙا نعرا ھڻي سنڌين سان دوکو ڪيو ويو آھي سنڌ جي زراعت کي ھٿ وٺي تباھ ڪري معاشي قتل ڪيو پيو وڃي ڪرپشن ۽ اقتدار لاءِ آصف زرداري ايوان صدر ۾ ويھي سنڌ تي حملي آور آھي اتر سنڌ ڌاڙيلن حوالي آھي،وزير منشيات ۽ ڏوھارين جا سرپرست آھن ميرٽ تباھ ڪري نوڪريون ۽ ڊگريون وڪرو ڪيون پيون ڪرپشن ڪري سنڌ جو پئسو ٻاھر منتقل ڪيو پيو وڃي
0
تبصرے
تبصرہ کریں
نام
مطلوب خانہ
ای میل
مطلوب خانہ
تبصرہ
مطلوب خانہ
Post comment
رجحانات
تازہ ترین
24th Apr 2025
•
تازہ ترین
وزیرِ اعظم نے احتجاج کی شدت کم کر دی ہے: بلاول بھٹو زرداری
24th Apr 2025
•
تازہ ترین
بھارت سے تجارت، واہگہ بارڈر اور فضائی حدود بند، پانی روکنا جنگی قدم سمجھا جائے گا: قومی سلامتی کمیٹی
24th Apr 2025
•
دنیا
پہلگام واقعہ مودی سرکار کی ہندوتوا پالیسی کا نتیجہ ہے: کانگریس رہنما
24th Apr 2025
•
دنیا
امریکہ نے بھارت میں موجود اپنے شہریوں کو الرٹ جاری کر دیا
25th Apr 2025
•
سنڌي خبرون
سنڌو درياه جي مٿان اسان کي ڪو ڪئنال منظور ناهي، 11 مئي تي سموري سنڌ ۾ ريلوي اسٽيشننز تي ڌرڻا هنيا ويندا: جسقم چيئرمين صنعان قريشي
25th Apr 2025
•
سنڌي خبرون
جديد قومپرستي جي باني سائين جي ايم سيد جي 30هين ورسي سن ۾ ملهائي وئي
25th Apr 2025
•
سنڌي خبرون
حڪمران طاقت جي زور تي جيڪڏھن اسان جو هڪڙو ڌرڻو ختم ڪرائيندا ته اسان سنڌ ۾ اهڙا 50 ڌرڻا هڻنداسين: سيد زين شاهه
24th Apr 2025
•
تازہ ترین
وزیرِ اعظم نے احتجاج کی شدت کم کر دی ہے: بلاول بھٹو زرداری
Categories
تازہ ترین
پاکستان
دنیا
صحت
شوبز
کھیل
سائنس اور ٹیکنالوجی
دلچسپ اور عجیب
سندھ
سنڌي خبرون
آرٽيڪلز/ کالمز
Tags
نصيرآباد
اياز لطيف پليجو
0 تبصرے