نوشھروفيروز ۾ صوبائي محتسب اعليٰ جي ريجنل ڊائريڪٽر خالد شيخ پاران کلي ڪچهري

نوشھروفيروز ( ڊ ر ) صوبائي محستب اعليٰ جي ريجنل ڊائريڪٽر خالد شيخ اڄ صوبائي محتسب اعليٰ ۽ اڪائونٽنٽ جنرل سنڌ جي ھدايت ڊسٽرڪٽ اڪاؤنٽس آفيس نوشھروفيروز جي آفيس ۾ کلي ڪچھري جي صدارت ڪئي. ريجنل ڊائريڪٽر محتسب آفيس نوشھروفيروز کلي ڪچھري دوران سرڪاري ملازمن، ريٽائرڊ ملازمن ( پينشنرن) کان پگھار،پينشن ۽ بلن جي ادائيگي بابت شڪايتون ٻڌيون ۽ ان جي فوري حل لاءِ حڪم جاري ڪيا. کلي ڪچھري دوران اڄ 08 درخواستون مليون جن مان 03 شڪايون فوري طور تي حل ڪيون ويون جڏھن 05 شڪايتون فيملي پينشن جي عدم ادائيگي بابت مليون. ريجنل ڊائريڪٽر ناڻي کاتي جي ضلعي آفيسرن کي ھدايت ڪئي تہ فيملي پينشن جي ادائيگي لاءِ گھربل قانوني ڪاروائي مڪمل ڪري ادائيگي ڪئي وڃي ھن چيو تہ محتسب آفيس جي کلي ڪچھري منعقد ڪرڻ جو مقصد ملازمن کي سستو ۽ فوري انصاف فراھم ڪرڻ آھي. ان موقعي تي ايڊيشنل اڪائونٽس آفيسر محمد اشرف آرائين، اسسٽنٽ اڪائونٽس آفيسر علي شير، سينئر آڊيٽر عبدالغفار عباسي ۽ٻيا لاڳاپيل آفيسر موجود ھئا. ناڻي کاتي جي آفيسر محستب آفيس جي ريجنل ڊائريڪٽر کي آگاھي ڏيندي ٻڌايو تہ ناڻي کاتي پاران ملازمن جي پگھارن ۽ پيشن جا ادائيگي باقاعدگي سان جاري آھي جڏھن تہ فيملي پينشن جي ادائيگي لاءِ گھربل قانوني گھرجون پوريون ٿيڻ کان پوءِ ئي پيشن جاري ٿي سگھندي.