نوشهرو فيروز ۾ اسڪارپ ايمپلائيز يونين جي سڏ تي انجنيئر خلاف ملازمن جو احتجاج

ساگر يوسف منگي، وقار احمد لاڙڪ، محمد يعقوب وڳڻ ۽ ٻين جي اڳواڻي ۾ احتجاج ڪيو ويو

نوشهرو فيروز(ڊر)ڪرپٽ انجنيئر هٽايو۔ اسڪارپ بچايو۔ اسڪارپ ايمپلائيز يونين جي سڏ تي ڪرپشن ۾ ملوث انجنيئر هٽائڻ خلاف ملازم ڌرڻي تي ويٺل۔ 27 فيبروري تي چيف انجنيئر آفيس آڏو ڌرڻي جو اعلان۔ خبر موجب تي اسڪارپ ايريگيشن ايمپلائيز يونين ڊويزن نوشهرو فيروز جي ملازمن طرفان نئين مقرر ٿيل ڪرپٽ انجنيئر اسڪارپ جاويد آفتاب ٽانوري خلاف احتجاج جاري آهي احتجاج جي اڳواڻي اسڪارپ ايمپلائيز يونين جو صدر ساگر يوسف منگي، جنرل سيڪريٽري وقار احمد لاڙڪ، آل سنڌ ايريگيشن ٽريڊ يونين فيڊريشن جي محمد يعقوب وڳڻ، محمد خان مشوري، فقير اياز منڱريو، محمد بخش ڪورائي،دلدار سولنگي، محمد حسن زرداري، راشد ڀٽي عنايت سومرو، رمضان مڱريو ۽ ٻيا ڪري رهيا هيا، ان موقعي تي اڳواڻن چيو ته نوشهرو فيروز ۾ ڪرپشن جي بي تاج بادشاهه ۽ نيب زده انجنيئر جاويد اقبال ٽانوري کي هر دفعي بجيٽ هڙپ ڪرائڻ لاءِ مقرر ڪيو وڃي ٿو، سندس اچڻ شرط اسڪارپ ڪالوني جي لاءِ آيل ڪروڙين روپيا ڪڍرائڻ لاءِ ڪوڙا ووچر ٺهرائي آيل بجيٽ ڪڍي رهيو آھي پمپ اسٽيشنن جي لاءِ آيل 8 ڪروڙ پڻ ڪوڙا ووچر ٺهرايا آھن بدقسمتي اها آھي جو جڏهن به اسڪارپ جي بجيٽ ايندي آھي ته جاويد آفتاب ٽانوري انجنيئر بدلي ڪرائي پهچي ويندو آھي، هن جي 3 مهينا بدلي ڪري وري سالن لاءِ آيل بجيٽ جو صفايو ٿئي ٿو، اسڪارپ جي رهائشي ڪالوني جا ڪوارٽر زبون ٿي ويا آھن انھن جي مرمت لاءِ آيل پئسا به ڳڙڪائي ٿو وڃي ته پيئڻ جي صاف پاڻيءَ لاءِ به ڪو پلانٽ ناهي رڳو ڪوڙن ووچرن ۾ بل ٺاهي بجيٽ جي صفائي ٿي رهي آھي. 27 فيبروي تي چيف آفيس ايريگيشن حيدر آباد آفيس آڏو ڀرپور احتجاج ڪيو ويندو۔