سنڌو درياءَ مان ڪئنال ڪڍڻ وارو منصوبو سنڌ جي تباهي جو منصوبو آهي: ڊاڪٽر قادر مگسي

سنڌ دشمن منصوبي جي روڪٿام لاءِ سنڌ جي عوام کي روڊن تي نڪرڻو پوندو: ايس ٽي پي سربراهه

شڪارپور( احسان ابڙو )ايس ٽي پي سربراہ چيئرمين ڊاڪٽر قادر مگسي ۽ ايس ٽي پي وائيس چيئرمين ڄام عبدالفتاح سميجو مرڪزي اڳواڻن سان شڪارپور پھچي سنڌ اسانجي ماءُ ۽ سنڌوءَ ۾ اسان جو ساھ آ جي عنوان سان مھم جي سلسلي شڪارپور پھچي شھر جي مک چوڪ لکيدر تي آيل شھرين سان خطاب ڪندي ايس ٽي پي سربراھ ڊاڪٽر قادر مگسي, ڄام عبدالفتاح سميجو ۽ ٻين چيو تہ ماضي ۾ بہ سنڌو درياھ مٿان اھڙا وار ڪرڻ جي ڪوشش ڪئي وئي آھي, پر انھن جا منصوبہ ھميشہ سنڌ جي غيرتمند عوام رد ڪيا آھن, ھنن چيو تہ ڪالاباغ ڊيئم ھجي يا ٻيا ڊيئم ڪڍڻ لاء ان وقت جي حڪومتن نھن چوٽي جا زور لڳايا پر پنھنجا فيصلا مڃرائي نہ سگھيا آھن,ھاڻي شھباز حڪومت سنڌو درياھ مٿان وري وار ڪرڻ جي جيڪا ڪوشش ڪئي آ اسان ان کي رد ڪيون ٿا ۽ اسان انھن کي ٻڌائڻ چاھيون ٿا تہ سنڌو درياھ مان نڪرندڙ 6 ڪيئنال واري منصوبي کي واپس ورتو وڃي,ھنن وڌيڪ چيو تہ پنجاب جي ريگستان کي آباد ڪري سنڌ جي زمينن کي غيرآباد ڪرڻ وارو منصوبو ڪڏھن بہ ڪامياب ٿيڻ نہ ڏينداسين, سنڌ حڪومت ڪئنالن واري منصوبي تي خاموش آھي, ان مان صاف ظاھر ٿي پيو تہ سنڌ حڪومت چاھي پئي تہ سنڌ جو پاڻي پنجاب حوالي ڪري سنڌ جي ماڻھن کي بک ۽ اڃ تي ماريو وڃي, آصف زرداري پنھنجا مفاد حاصل ڪرڻ لاء سنڌو مان نڪرندڙ ڪئنالن واري بل تي صحيح ڪري سنڌ مٿان وار ڪيو آ اسان ان فيصلي کي رد ڪندي مطالبو ڪيون ٿا تہ ڪئنالن وارو فيصلو واپس ورتو وڃي,اسان پھرين ڏينھن کان ڪئنالن واري فيصلي جي خلاف آھيون ۽ مسلسل احتجاج ڪري رھيا آھيون ھنن چيو تہ جلد ھڪ ٻيو احتجاج حيدرآباد جي حيدر چوڪ تي ڪيو ويندو, سنڌ جي مظلوم عوام سان ھميشہ ظلم ۽ جبر واري پاليسي کيڏي وئي آھي, سنڌ جي ماڻھن کي پنھنجا حق نہ ٿا ڏنا وڃن, سنڌ جا ماڻھو روزگار لاء پريشان آھن,ھاڻي سنڌ جو پاڻي بہ کسيو وڃي پيو,جيڪو اسان ڪرڻ نہ ڏينداسين ھاڻي سنڌ جا ماڻھون سڄاڳ ٿي چڪا آھن, سنڌو مان ڪئنال سمورا نامنظور سنڌو ھميشہ شاد ۽ آباد رھندو, ريلي ۾ شھرين وڏي پاران شرڪت ڪري سنڌو درياھ مان نڪرندڙ ڪئنالن کي رد ڪرڻ جو مطالبو ڪيو ۽ ڪئنالن خلاف نعري بازي ڪئي وئي.