ملير جي موسيٰ ڳوٺ ويجهو 2 نوجوان ڀينرون مبينا طور اغوا، سندن امڙ جو احتجاج

مڙس ۽ پٽ مزدوري تي ويل هئا آئون دڪان تان سامان وٺڻ ويس پٺيان ٻن نياڻين کي اغوا ڪيو ويو: مسمات نسرين

ملير (عبدالرشيد مورجھريو) ملير جي موسي ڳوٺ لڳ گھر مان ٻه نوجوان ڀينرون مبينا طور اغوا، وارثن طرفان شاہ لطيف ٿاڻي تي ڪيس داخل، ڇوڪرين جي امڙ پاڪ ڪتاب کڻي روئندي عوامي پريس ڪلب ملير پهچي ويئي،مڙس ۽ پٽ مزدوري تي ويل هئا آئون دڪان تان سامان وٺڻ ويس موٽي آيس ته ٻئي ڌيئرون گهر ۾ موجود نه هيون ستن ڏينهن کان ڳولهيون پيا پوليس ڪا به مدد نٿي ڪري نياڻيون بازياب ڪرايو وڃن ڇوڪرين جي امڙ نسرين جون صحافين سان ڳالهيون تفصيل موجب ملير جي موسي ڳوٺ لڳ پورهيت عبدالجليل جي گھر مان ٻه نوجوان ڀينرون 15 ورهين جي عائشه 12ورھين جي فضا مبينا طور اغوا ڪيون ويون آھن وارثن شاہ لطيف ٿاڻي پهچي ڪيس داخل ڪيو آھي ان سلسلي ۾ ڇوڪرين جي امڙ نسرين پاڪ ڪتاب کڻي روئندي عوامي پريس ڪلب ملير پهچي ويئي هن احتجاج ڪندي ٻڌايو 13جنوري تي منهنجو مڙس ۽ پٽ مزدوري تي ويل هئا آئون دڪان تان سامان وٺڻ ويس موٽي آيس ته ٻئي ڌيئرون عائشه ۽ فضا گهر ۾ موجود نه هيون جنهن بعد اسان ٿاڻي پهچي ڪيس داخل ڪرايو ۽ مختلف علائقن ۾ ڳولا ڪئي آھي پر سندن ڪو به پتو نه پئجي سگهيو آھي هن چيو ته منهنجو نياڻيون گهر کان ٻاھر نه نڪرنديون آهن اسڪول بدران قرآن پاڪ پڙھنديون آھن منهنجو نه ڪنهن تي شڪ آھي نه ئي دشمني آھي اسان جي گهر ۾ ماتم متل هن سنڌ جي وڏي وزير مراد علي شاھ آئي جي سنڌ ايس ايس پي ملير ۽ ٻين وس وارن کي اپيل ڪئي ته اسان جي مدد ڪري نياڻيون بازياب ڪرايو وڃن