جستجو فاؤنڊيشن ۽ ايڪٽو وومن فاؤنڊيشن جو سماجي بهتري لاءِ گڏيل منصوبو تيار

اجلاس جي صدارت جستجو فاؤنڊيشن جي چيئرپرسن صدف ورائچ ۽ ايڪٽو وومن فاؤنڊيشن جي چيئرپرسن نازش فاطمه ڪئي

حيدرآباد: جستجو فاؤنڊيشن ۽ ايڪٽو وومن فاؤنڊيشن منشي هائوس ۾ گڏيل اجلاس منعقد ڪيو، جتي سماجي بهتري لاءِ هڪ گڏيل منصوبي تي اتفاق ڪيو ويو.اجلاس جي صدارت جستجو فاؤنڊيشن جي چيئرپرسن صدف ورائچ ۽ ايڪٽو وومن فاؤنڊيشن جي چيئرپرسن نازش فاطمه ڪئي، جڏهن ته قانوني صلاحڪار انيلا جيساني، رضا ورائچ، سنڌ هاءِ ڪورٽ بار جي ناليواري قانوندان عبدالوهاب منشي، ۽ سينيئر صحافي عبدالغفور سروهي به شرڪت ڪئي.صدف ورائچ سماجي مسئلن جي حل لاءِ ماڻهن کي بهتر زندگي جا موقعا ڏيڻ تي زور ڏنو، جڏهن ته نازش فاطمه عورتن ۽ نوجوانن جي شموليت کي حقيقي تبديليءَ جو اهم عنصر قرار ڏنو. انيلا جيساني ۽ رضا ورائچ منصوبن جي قانوني ۽ انتظامي رخن تي پنهنجا خيال پيش ڪيا.قانوندان عبدالوهاب منشي ۽ صحافي عبدالغفور سروهي منصوبي کي سماجي تبديليءَ لاءِ اهم قرار ڏيندي چيو ته هن قسم جا قدم ماڻهن جي زندگي ۾ مثبت تبديلي آڻيندا.اجلاس ۾ فيصلو ڪيو ويو ته منصوبي تي جلد عملدرآمد ڪيو ويندو ۽ عوام کي ان جي تفصيلن کان آگاهه ڪيو ويندو.