ٺٽي ۾ سنڌياڻي تحريڪ ۽ قومي عوامي تحريڪ پاران آل پارٽيز ڪانفرنس منعقد

چولستان جي 60 لک ايڪڙ زمين آباد ڪرڻ لا۽ سنڌو درياھ مان غير قانوني طور 6 ڪينال ڪڍڻ وارو منصوبو سنڌ لاءِ تباهي آهي: اڳواڻ

ٺٽو(محمد شفيق ڀٽي) سنڌو تي ڌاڙو ۽ 6 ڪينال فوري رد ڪرڻ توڙي سنڌ جي زمينن جا سودا ڪرڻ ۽ ڪرپشن خلاف سنڌياڻي تحريڪ ۽ قومي عوامي تحريڪ پاران جيم خانہ ٺٽو ۾ آل پارٽيز ڪانفرنس منعقد ڪئي ويئي، ڪانفرنس ۾ قومي عوامي تحريڪ جي زينت سمون، نصرت خاصخيلي، ناھيد جوڳي، رفيہ پليجو، سنڌياڻي تحرڪ جي مظھر راھوجو، اشرف پليجو، ياسر جاکرو، ممتاز شيخ، حبيب اللہ پليجو، سنڌ ترقي پسند پارٽي جي سيد جلال شاھ، پاڪستان تحريڪ انصاف جي سيد امجد شاھ،جئي سنڌ قومي محاذ جي اياز شاھ، جئي سنڌ محاذ جي امجد شورو، پ پ شھيد ڀٽو جي پير بخش سمون، وڪيل اڳواڻ گل بيبي شاھ، پاڪستان ڪميونسٽ جي ڊاڪٽر ولي محمد جاکرو، پريس ڪلب ٺٽو جي صدر اقبال جاکرو، عوامي ھيومن رائٽس فورم جي بلاول سمون، عورت اڳواڻ وقار النسا ۽ ٻين شرڪت ڪئي، ان موقعي تي مقررن خطاب ڪندي چيو تہ چولستان جي 60 لک ايڪڙ زمين آباد ڪرڻ لا۽ سنڌو درياھ مان غير قانوني طور 6 ڪينال ڪڍڻ وارو منصوبو سنڌ کي بنجر بنائڻ جو منصوبو آھي جيڪو ڪنھن بہ صورت ۾ قبول ناھي ڏيڍ صدي کان مسلسل سنڌ جي پاڻي تي لڳندڙ ڌاڙن ۽ چوري ٿيل پاڻي جي منصفاڻي تحقيقات ٿيڻ گھرجي، ھنن وڌيڪ چيو تہ ارسا ايڪٽ 1992 ۾ صدارتي آرڊيننس وسيلي ڪيل ترميم 1973 واري پاڪستان جي آئين جي آرٽيڪل 154 ۽ 155 جي سنگين خلاف ورزي آھي، ڪوٽڙي کان ھيٺ سمنڊ ۾ پاڻي نہ ڇڏڻ سبب ٺٽي، سجاول ۽ بدين جي ضلعي جون لکين ايڪڙ زمينون سمنڊ ڳڙڪائي رھيو آھي مٿان وري اھڙا منصوبا اڏڻ مطلب سڄي سنڏ کي بنجر بنائڻ جي سازش آھي ان سازش خلاف سڄي سنڏ ھڪ پيج تي آھي ھر محاذ تي جھدوجھد جاري رھندي جيستائين قاتل منصوبا رد نٿا ٿين،ھنن وڌيڪ چيو تہ سنڌ جي تھذيبي، ثقافتي ۽ تاريخي ماڳن مڪانن تي قبضا ڪري کين تباھ ڪيو پيو وڃي ڪارونجھر، گورڪ، کير ٿر، ڪينجھر، منڇر، ھاليجي گنجي ٽڪر، نيشنل پارڪ، ڀنڀور، مومل ماڙي سميت تايخي ماڳن تي قبضا ڪيا پيا وڃن تاريخ ميساري سنڌ تي حملو ڪيو پيو وڃي سنڌ تباھ ڪري پنجاب آباد ڪرڻ ڪٿي جو انصاف آھي، ھنن وڌيڪ چيو تہ ھڪ طرف پاڻي تي ڌاڙو پيو لڳي تہ وري سنڌ ۾ اغوا انڊسٽري ۽ قبائيلي جرڳن کي ھٿي ڏيئي اٍتر سنڌ جي سمورن ضلعن کي ڌاڙيل اسٽيٽ ۾ تبديل ڪري ڇڏي آھي ۽ لاڙ جي ضلعن ۾ بدامني ۽ لاقانونيٽ جو راڄ قائم آھي سنڌ کي ھڪ ڀيرو وري موھن جو ڌڙو بنايو پيو وڃي، سنڌ جي پُر امن ماڻھن کي پاليل ڌاڙيلن ۽ ڏوھارين جي رحم ڪرم تي ڇڏيو ويو آھي