ملير: ميمڻ ڳوٺ واسي بجليءَ جي بندش خلاف روڊن تي نڪري آيا، ڌرڻو

views | 22nd Jan 2025 • سنڌي خبرون

رهتن جو ڪوڙو جواز ڄاڻائي گذريل 10ڏهاڙن کان بجلي بند ڪئي وئي آهي: مظاهرين

ملير: ميمڻ ڳوٺ واسي بجليءَ جي بندش خلاف روڊن تي نڪري آيا، ڌرڻو

ملير (درياخان شر) ميمڻ ڳوٺ واسي بجليءَ جي بندش خلاف هڪ ڀيرو ٻيهر روڊن تي نڪري آيا احتجاجي مظاهرو ڌرڻو ٽائرن کي باهيون ڏئي ملير سٽي ڏانهن ويندڙ مک روڊ بلاڪ ڪري ڇڏيو ، ڪراچي ملير جي ٻهراڙين جي مرڪز ميمڻ ڳوٺ جي عبدالڪريم پاڙي جي گذريل ڏهن ڏينهن کان بجليءَ جي بندش خلاف واپاري توڙي ڳوٺاڻا روڊن تي نڪري آيا احتجاجي مظاهرو ڌرڻو ٽائرن کي باهيون ڏئي ملير سٽي ڏانهن ويندڙ مک روڊ بلاڪ ڪري ڇڏيو ڪي اليڪٽرڪ انتظاميا خلاف ڇتي نعريبازي گاڏين جون ڊگهيون قطارون لڳي ويون واپارين ۽ ڳوٺاڻن جو چوڻ آهي ته ڪي اليڪٽرڪ انتظاميا بجليءَ جي رهتن جو ڪوڙو جواز ڄاڻائي گذريل ڏهن ڏهاڙن بجلي جي فراهمي بند ڪري ڇڏي آهي جنهن سبب ڪاروبار مفلوج بڻجي ويو آهي جڏهن ته علائقي ۾ پيئڻ جي پاڻيءَ جو شديد بحران پيدا ٿي ويو آهي ڪي اليڪٽرڪ انتظاميا بل ادا نه ڪندڙن خلاف ڪارروائي ڪرڻ بدران پوري علائقي جي بجلي بند ڪري سمورن شهرين کي سخت اذيت مبتلا ڪري ڇڏيو آهي احتجاجي مظاهرين حلقي جي چونڊيل نمائندن توڙي ضلعي انتظاميا کان ڪي اليڪٽرڪ جي ظلمن جو نوٽيس وٺڻ جي گهر ڪندي چيو ته فوري طور بجلي بحال ڪرائي وڃي ٻي صورت ۾ مک قومي شاهراه تي ڌرڻو هنيو ويندو