نوشهروفيروز ۾ ناري جو مڙس سميت والد خلاف احتجاجي مظاهرو

والد زوري طلاق وٺرائي مون کي پئسن عيوض ٻي هنڌ وڪڻڻ چاهي ٿو، تحفظ ڏنو وڃي: ايمان ڀٽي

نوشهروفيروز (ڊ ر) نوشهروفيروز جي ڳوٺ فقير عثمان تنيو واسي ناري ايمان علي ڀٽي پريس ڪلب پهچي صحافين آڏو دانهيندي چيو آهي ته منهنجي پيءُ منير احمد منهنجي شادي پنج مهينا اڳ سراج ڀٽيء سان ڪرائي ۽ اسان زال مڙس خوشيء سان زندگي گذاري رهيا آهيون پر هاڻي منهنجو پيءُ منير احمد ڀٽي لالچ ۾ اچي ڪري مون کي سراج کان طلاق وٺڻ لاء زور ڀري رهيو آهي هن چيو ته لالچي پيءُ هاڻي مونکي طلاق ڏيارڻ کان پوء وري عالماڻي برادري وٽ منهنجو رشتو ڪرڻ چاهي ٿو جيڪو مونکي قبول ناهي هن چيو ته منهنجي پيءُ منهنجي ٻي ڀيڻ جي شادي به ان برادري ۾ ڪئي آهي جن کان ان پئسا وصول ڪيا آهن سراج کان طلاق نه وٺڻ جي صورت ۾ مون کي منهنجو پيءُ ڀائر آصف ڀٽي, ممتاز ڀٽي , صالح عالماڻي , صدام , فهيم ۽ نديم عالماڻي وارا جان کان مارڻ جون ڌمڪيون ڏئي رهيا آهن تحفظ فراهم ڪري سک سان زندگي گذارڻ ڏني وڃي