ملير ۾ پسند جو پرڻو ڪندڙ جوڙو حياتين کي خطري سبب دربدري جو شڪار

4جنوري تي عدالت ۾ نڪاح ڪيو، مائٽ مارڻ لاءِ ڳولي رهيا آهن: ناري سپنا

ملير (عبدالرشيد مورجھريو)پسند جو پرڻو ڪندڙ جوڙي کي جان جو خطرو، انتظاميا کان مدد حاصل ڪرڻ لاء پرڻيل جوڙو پريس ڪلب پهچي ويو 4جنوري تي سنڌ هائي ڪورٽ پهچي نڪاح ڪيو آھي اسان جا مائٽ جان کان مارڻ ۽ ڪوڙن ڪيسن ۾ اڙائڻ جون ڌمڪيون ڏيئي رهيا آھن شریعت محمدي تحت نڪاح ڪيو آھي گناه ناهي ڪيو انساني حقن جون تنظيمون، آئي جي سنڌ، ايس ايس پي ملير مخالفن خلاف ڪاروائي ڪري تحفظ فراهم ڪن مسمات سپنا ۽ عصمت جمالي جي پريس ڪانفرنس تفصيل موجب ٽنڊو باگو ۽ ٽنڊو يوسف حيدر آباد جي رهواسي نوجوان جوڙي مسمات سپنا ڌيءَ محمد اقبال ۽ عصمت علي جمالي ولد يعقوب جمالي عوامي پريس ڪلب ملير پھچي پريس ڪانفرنس ڪندي صحافين کي ٻڌايو آھي ته هنن ڪراچي ۾ 4جنوري تي عدالتي پرڻو ڪيو آھي مسمات سپنا ۽ سندس ور عصمت علي جمالي جو چوڻ هو ته عدالتي پرڻي کانپوء مسمات سپنا جو پيء محمد اقبال چاچا نورالله، لياقت، سليم ۽ ٻيا کين جان کان مارڻ لاء ڳولا ڪري رهيا آھن ۽ خبر پئي آھي ته هو اسان کي ڪوڙن ڪيسن ۾ اڙائي گرفتار ڪرائڻ چاهين ٿا سپنا ۽ عصمت علي وڌيڪ چيو ته انهن شریعت محمدي تحت نڪاح ڪيو آھي ڪو گناھ ناهي ڪيو پر ڄاڻايل مائٽ غير قانوني طرح کين ڌمڪيون ڏيئي حيسائي رهيا آھن هن وقت اسان ملير ضلعي جي مختلف علائقن ۾ پناھ وٺي جان بچائڻ ۾ پورا آھيون هنن نڪاح نامو ڏيکاريندي انساني حقن جي تنظيمن آئي جي سنڌ ايس ايس پي ملير ۽ ٻين وس وارن کي اپيل ڪئي ته هو اسان جي جان بچائڻ لاء مدد ڪن ۽ انتقامي ڪاروائي جون ڌمڪيون ڏيندڙ خلاف قانوني ڪاروائي ڪن