ٿرڙي محبت ويجهو ڪلهوڙا ڌرين ۾ سڱاوتي تڪرار تان هڪ ڄڻو قتل

views | 26th Apr 2023 • سنڌي خبرون

فائرنگ ۾ ارشاد علي ڪلهوڙو زخمي ٿيڻ بعد ميھڙ اسپتال ۾ دم ڏئي ڇڏيو

ٿرڙي محبت ويجهو ڪلهوڙا ڌرين ۾ سڱاوتي تڪرار تان هڪ ڄڻو قتل

ٿرڙي محبت: ڳوٺ ملوڪ ڪلھوڙو ۾ سڱاوتي تڪرار تان ڪلهوڙا برادري جي ٻن ڌرين ۾ جيهڙو، فائرنگ ۾ ارشاد علي ڪلهوڙو گوليون لڳڻ سبب شديد زخمي ٿي پيو جنھن کي نازڪ حالت ۾ تعلقه اسپتال ميھڙ آندو ويو جيڪو اسپتال ۾ زخمن جا سور نه سھندي فوت ٿي ويو آھي تعلقه اسپتال ميھڙ ۾ ڊيوٽي ڊاڪٽر نوجوان جي فوت ھجڻ جي تصديق ڪئي آھي اسپتال ۾ موجود فوتي نوجوان جو ڀاء مرزا ڪلھوڙو ۽ سئوٽ معشوق ڪلھوڙو ٻڌايو تہ جوابدارن ارسلان ، نويد ، وسيم ، سلمان ۽ ٻين گھر تي اچي حملو ڪيو جنھن کان پوء نوجوان کي ماري فرار ٿي ويا آھن ھنن چيو ته جوابدارن پھريان به سنڱاوتي تڪرار تان مقتول جي ڀاء ماجد ڪلھوڙو کي قتل ڪيو ھو ظالمن اڄ ھي ٻيو نوجوان قتل ڪري ويا آھن ھوڏانھن علائقي ۾ ڪلھوڙا برادري جي ٻن ڌرين ۾ چڪتاڻ وڌي ويو آھي