عمرڪوٽ ۾ قدرتي آفتن سان منهن ڏيڻ جي حوالي سان هڪ ڏينهن وارو تربيتي پروگرام منعقد

موسمياتي تبديليون ۽ قدرتي آفتن کي منهن ڏيڻ لاءِ مقامي سطح تي حڪمت عملي تيار ڪئي وڃي: مقرر

عمرڪوٽ (رپورٽ:ڪانجي مل رکيسر) مينيجمينٽ ڊيولپمينٽ فائونڊيشن (ايم ڊي ايف) پاڪستان پوورٽي ايلويئيشن فنڊ (پي پي اي ايف) جي سوشل سروسز ۽ ڪلائيميٽ ريزيلينس پروجيڪٽ تحت عمرڪوٽ آفيس ۾ هڪ ڏينهن جي قدرتي آفتن کان نمٽڻ لاءِ ڪميونٽيز جي تنظيمون لاءِ ڊيزاسٽر رسڪ مينيجمينٽ تي ٻڌل تربيت جي استعداد ڪار وڌائڻ جو تربيت پروگرام ڪاميابي سان منعقد ڪيو، ان موقعي تي پروجيڪٽ مينجر ٽرينر ايم ڊي ايف عالمگير بلال چيو تہ هتي تربيت حاصل ڪرڻ واريون تنظيمون پنهنجي علائقن ۾ نمايان خدمتون سرانجام ڏينديون، پي پي اي ايف ۽ ايم ڊي ايف هن سلسلي ۾ يونين ڪائونسل کيجراڙي جي ماڻهن جي ڀرپور تربيت ڪري رهيون آهن ته جيئن موسمياتي تبديليون ۽ قدرتي آفات کي منهن ڏيڻ لاءِ مقامي سطح تي حڪمت عملي تيار ڪئي وڃي، تفصيل موجب هڪ ڏينهن جي تربيت جو مقصد ڪميونٽي جي تنظيمون کي ڊيزاسٽر رسڪ مينيجمينٽ تي اهڙي طرح قابليت حاصل ڪرڻ آهي ته اهي ڪميونٽي ۾ وڃي پنهنجي ماڻهن جي رهنمائي ڪري سگهن، هن تربيت جي نشست ۾ شريڪ ماڻھن چيو ته اسان هتي انتهائي فائديمند معلومات حاصل ڪئي ۽ خاص طور تي ضلعي عمرڪوٽ جي پسماندہ علائقن جي مسئلن ۽ انهن جي حل لاءِ نمايان ڪوششن تي زور ڏنو ويو، تقريب دوران شرڪت ڪندڙن ۾ سرٽيفڪيٽ ورهايا ويا ۽ عزم ڪيو ويو ته نوجوان مرد ۽ عورتون سڀ گڏجي پنهنجي برادرين جي ترقي ۽ تعمير لاءِ ڪم ڪندا.