سجاول ويجهو 7مهينن کان ڏهن ملڪن جي سفر تي نڪتل پرڏيهي سياحن کان ڦر

256 views | 29th Dec 2024 • سنڌي خبرون

هٿياربندن پولينڊ ۽ فرانس جي سياحن ڪوولزايڪ جاڪو، اسڪينٽمبرلو ۽ ايلزنته کان ڦر ڪري فرار

سجاول ويجهو 7مهينن کان ڏهن ملڪن جي سفر تي نڪتل پرڏيهي سياحن کان ڦر

سجاول(رپورٽر)سائيڪل تي 7مھينن کان مسلسل ڏهن ملڪن جو سفر ڪرڻ واري سياحتي جوڙي کان سجاول باء پاس ويجھو ڦر جي واردات ٿي وئي. پولينڊ ۽ فرانس جا ٻه غير ملڪي جوڙا ڪوولسزايڪ جاڪو ۽ اسڪينٽمبرلو مائي ايلزنته کان نامعلوم چورن سجاول باء پاس تي ڪيش رقم ۽ قيمتي موبائلون ۽ ٻيو سامان ڦري فرار ٿي ويا .غير ملڪي سياحن کان ڦر جي اطلاع تي سجاول پوليس جلدي پهچي وئي. غير ملڪي سياح جوڙو سنڌ جون تاريخي جڳھيون مڪلي قبرستان ۽ شاهجهان مسجد جو دورو ڪري بدين ٿرپارڪر طرف وڃي رهيا هئا. سجاول پھچڻ تي ٻنھي سياحن جو چورن استقبال ڪندي قيمتي سامان ڦر ڪري ورتو غير ملڪي سياحن کان سجاول پوليس اسٽيشن جي حد سجاول باء پاس تي ڦر جي واردات ٿي آهي. ايس ايس پي سجاول ڊاڪٽر عبدالخالق پيرزادو جو چوڻ آهي ته سياحن کان سجاول جي حد۾ ڦر ٿي آهي پوليس ڏوهارين جو پيڇو ڪري رهي آهي جلدي ڏوهارين کي گرفتار ڪيو ويندو ايس ايس پي سجاول. پوليس کي تفصيل ڏيئي ٻئي غير ملڪي سياح پنھنجي منزل ڏانهن روانا ٿي ويا